انفلوئنسرز کی دنیا میں قدم رکھنے والی علیزہ سلطان نے سابق شوہر فیروز خان کو غیر ذمہ دار والد قرار دیدیا ہے۔
حال ہی میں علیزہ سلطان نے اپنے انسٹاگرام اکاؤنٹ پر ایک تصویر شیئر کرتے ہوئے صارفین سے 2024 کے اختتام پر خود سے سوال پوچھنے کیلئے کہا۔
View this post on Instagram
ایک صارف نے پوچھا کہ بطور تنہا والدہ بچوں کی پرورش کرنے میں انہیں پیش آنے والی کن مشکلات کا سامنا کرنا پڑتا ہے؟
سوال کے جواب میں علیزہ سلطان نے کہا کہ بطور تنہا والدہ دو بچوں کی پرورش کرنا آسان کام نہیں ہے، یہ کام اس وقت مزید مشکل بن جاتا ہے کہ جب آپ کے ساتھ شریک والد غیر ذمہ دار شخص ہو، ساری مشکلات کے باوجود بطور ماں ہر کام کرنا پڑتا ہے، کبھی بچوں پر سختی کرنی پڑتی ہے، کبھی ان کے ساتھ نرم رویہ اختیار کرنا پڑتا ہے۔
علیزہ سلطان کے اس جواب پر جہاں صارفین نے ان کی تعریف کی وہیں فیروز خان کے مداحوں کا علیزہ سلطان کی پوسٹ پر کمنٹ کرتے ہوئے کہنا تھا کہ علیزہ سلطان کو ’توجہ چاہیے‘، یہی وجہ ہے کہ وہ فیروز خان پر تنقید کرتی نظر آتی ہیں۔
