بالی ووڈ اداکارہ سوناکشی سنہا کی نئی فلم ’’نکیتا رائے‘‘ 30 مئی کو بڑے پردے کی زینت بنے گی۔
سوناکشی سنہا کی نئی تھرلر فلم انسانی ذہن کی پیچیدگیوں، روحانی پہلوؤں اور جذباتی کمزوریوں پر مبنی کہانی پیش کرے گی۔
فلم کے ہدایتکار سوناکشی سنہا کے بھائی کش ایس سنہا ہیں جبکہ اس فلم میں ارجن رامپال، پاریش راول اور سہیل نیّر نے بھی اہم کردار نبھائے ہیں۔
View this post on Instagram
فلم کے پروڈیوسرز نکی بھگنانی اور وکی بھگنانی ہیں، جنہوں نے اسے ایک منفرد کہانی قرار دیا ہے جو روایتی فلموں کے دائرے سے ہٹ کر ہے۔
پروڈیوسرز کے مطابق فلم ’نکیتا رائے‘ ایک طاقتور کاسٹ، سنسنی خیز کہانی اور کش سنہا کی منفرد ہدایتکاری کا امتزاج ہے جو ناظرین کیلئے ایک نیا تجربہ ہوگا۔
