پاکستان شوبز کی خوبرو اداکارہ حرا مانی کو ان کے حالیہ فوٹو شوٹ پر شدید تنقید کا سامنا کرنا پڑ رہا ہے۔
حال ہی میں حرا مانی نے اپنے انسٹاگرام اکاؤنٹ پر نئے فیشن فوٹوشوٹ کی تصاویر شیئر کیں جن میں وہ مختلف انداز میں نظر آئیں۔
اداکارہ نے گھٹنوں تک آنے والا لباس زیب تن کیا جبکہ میک اپ کو سادہ اور قدرتی رکھا گیا۔
فوٹوشوٹ کی بعض تصاویر میں حرا مانی نے منفرد اور بولڈ انداز اپنایا جبکہ ایک تصویر میں لباس کے بٹن کھلے ہوئے دکھائی دیے۔ ایک اور تصویر میں اداکارہ کو سرخ روشنی کے ماحول میں بیٹھے ہوئے دیکھا جاسکتا ہے۔
تصاویر سوشل میڈیا پر سامنے آنے کے بعد صارفین کی جانب سے ملا جلا ردعمل سامنے آیا۔ بعض صارفین نے اداکارہ کے فیشن انتخاب کو تنقید کا نشانہ بناتے ہوئے اسے غیر ضروری توجہ حاصل کرنے کی کوشش قرار دیا جبکہ کچھ نے گزشتہ برسوں کے دوران ان کے انداز میں آنے والی تبدیلی پر حیرت کا اظہار کیا۔
سوشل میڈیا پر بعض صارفین نے حرا مانی کے نئے انداز کو نامناسب قرار دیا جبکہ دیگر نے ان کے فیشن انتخاب پر سوالات اٹھائے۔
