معروف پاکستانی اداکارہ ہانیہ عامر نے شوبز کے بعد باکسنگ کے میدان میں بھی قدم رکھنے کی تیاری شروع کردی ہے

اسلام آباد میں معروف پاکستانی اداکارہ ہانیہ عامر نے باقاعدگی کے ساتھ باکسنگ ٹریننگ شروع کردی ہے۔

ڈبلیو بی او یوتھ ورلڈ باکسنگ چیمپئن عثمان وزیر ہانیہ عامر کو باکسنگ کی تربیت دے رہے ہیں۔

عثمان وزیر کے مطابق ہانیہ عامر باکسنگ میں بھرپور دلچسپی لے رہی ہیں اور ان میں اس کھیل کے لیے بے پناہ پوٹینشل موجود ہے۔

انہوں نے بتایا کہ ہانیہ عامر کی پہلی باضابطہ باکسنگ فائٹ کا اعلان جلد کردیا جائے گا۔

واضح رہے کہ اداکاری کے میدان میں اپنی پہچان بنانے والی ہانیہ عامر اب باکسنگ رنگ میں بھی اپنی صلاحیتوں کا مظاہرہ کرنے کی تیاری کررہی ہیں۔