موبائل پر دیر تک بات کرنے والے افراد کے لیے اہم خبر آ گئی ہے۔

ایک حالیہ تحقیق کے مطابق ہفتے میں آدھے گھنٹے تک موبائل فون پر بات کرنے سے ہائی بلڈ پریشر کا خطرہ بڑھ جاتا ہے۔

جی ہاں، تحقیق میں بتایا گیا کہ جو لوگ دن میں ایک گھنٹہ فون کالز پر گزارتے ہیں ان میں اس بیماری کے بڑھنے کے امکانات بہت زیادہ ہوتے ہیں۔

تحقیق میں یہ جاننے کی کوشش کی گئی ہے کہ آیا کال کرنے اور وصول کرنے اور ہائی بلڈ پریشر کی تشخیص کے درمیان کوئی تعلق ہے یا نہیں۔

ماہرین نے اس تحقیق میں 2 لاکھ سے زائد برطانوی شہریوں کے ڈیٹا کا جائزہ لیا اور سوالنامے کے ذریعے ان کے موبائل فون کے استعمال سے متعلق معلومات حاصل کی گئیں۔

لوگوں سے سوالات کیے گئے کہ وہ کتنے عرصے سے موبائل فون کا استعمال کررہے ہیں، وہ ہفتے میں کتنے گھنٹے موبائل فون استعمال کرتے ہیں اور آیا وہ اسپیکر فون استعمال کرتے ہیں یا ہینڈز فری ڈیوائس کو استعمال میں لاتے ہیں۔

تحقیق میں یہ بات سامنے آئی کہ جو لوگ ہر ہفتے 30 منٹ یا اس سے زیادہ فون پر بات کرتے ہیں ان میں ہائی بلڈ پریشر ہونے کا امکان کم ہوتا ہے۔

جن لوگوں نے فون کال پر ہفتے میں چھ گھنٹے سے زیادہ وقت گزارا ان میں ہائی بلڈ پریشر کا خطرہ ان لوگوں کے مقابلے میں 25 فیصد زیادہ تھا جنہوں نے پانچ منٹ سے کم وقت گزارا۔

تاہم مطالعہ کے شرکاء جتنا وقت موبائل فون استعمال کر رہے تھے اس دوران وہ ہینڈز فری استعمال کر رہے تھے جس کی وجہ سے ہائی بلڈ پریشر کے خطرے سے محفوظ رہے۔