موسیقی سننے کا حیران کُن فائدہ سامنے آ گیا ہے۔

ایک نئے پول میں معلوم ہوا ہے کہ اکثریت بوڑھے افراد کا ماننا ہے کہ موسیقی ان کے لیے تفریحی شے سے زیادہ کی حیثیت رکھتی ہے۔

جی ہاں، صحت مند بڑھاپے کے متعلق کیے جانے والے پول کے نئے نتائج کے مطابق 50 سے 80 برس کے درمیان 75 فیصد افراد نے بتایا کہ موسیقی ان کو ذہنی دباؤ سے راحت بخشتی ہے جبکہ 65 فیصد افراد نے کہا کہ موسیقی ان کی ذہنی صحت یا مزاج میں بہتری میں مدد دیتی ہے۔

60 افراد کا کہنا تھا کہ موسیقی سننے سے وہ اپنے اندر توانائی محسوس کرتے ہیں جبکہ 41 فیصد افراد نے کہا کہ موسیقی ان کے لیے بہت اہمیت کی حامل ہے۔

اس کے علاوہ 48 فیصد افراد نے موسیقی کو اپنی زندگی میں معمولی اہم قرار دیا۔

پول ٹیم کے ساتھ کام کرنے والے پروفیسر جول ہوویل کے مطابق موسیقی میں زندگی کو بامعنی اور پُرلطف بنانے کی طاقت ہوتی ہے، یہ انسانی وجود کے بنیادی سانچے میں بُنی ہوئی ہے۔

ان کا کہنا تھا کہ موسیقی اپنے اندر صحت کے متعدد مسائل پر محسوس کیے جانے والے اثرات بھی رکھتی ہے۔

انہوں نے کہا کہ محققین یہ جانتے ہیں کہ موسیقی بلڈ پریشر اور ڈپریشن کے لیے کیے جانے والے اقدامات پر پڑنے والے مثبت اثرات سے تعلق رکھتی ہے۔