پانی کو ابال کر پینے کا حیران کُن فائدہ سامنے آ گیا ہے۔
ایک حالیہ تحقیق کے مطابق پانی کو ابال کر پینے کی عادت سے متعدد پلاسٹک کے ننھے ذرات جسم کا حصہ نہیں بنتے۔
جی ہاں، تحقیق میں بتایا گیا کہ محض 5 منٹ ابالنے سے پانی میں پلاسٹک کے ننھے ذرات کی تعداد میں 90 فیصد تک کمی آ جاتی ہے۔
جسم میں پلاسٹک کے ذرات کی تعداد بڑھنے سے تکسیدی تناؤ، ورم، انسولین کی مزاحمت اور جگر کے مسائل کا خطرہ بڑھتا ہے۔
تحقیق کے مطابق پانی ابالنا ایک محفوظ اور آسان حل ہے جس سے پانی کو صاف کرنے میں مدد ملتی ہے۔
اس تحقیق میں پانی کے ہر نمونے کو 5 منٹ تک ابال کر 10 منٹ تک ٹھنڈا ہونے دیا گیا، معدنیات جیسے کیلشیئم یا میگنیشم سے بھرپور پانی کو ابالنے سے کیلشیئم کاربونیٹ بنتا ہے جو پلاسٹک کو جکڑتا ہے۔
تحقیق میں بتایا گیا کہ پانی میں موجود کیلشیئم کاربونیٹ کو چھلنی کے ذریعے الگ کیا جا سکتا ہے۔
محققین کا کہنا ہے کہ پانی کو ابال کر استعمال کرنا پلاسٹک کے ذرات سے خود کو بچانے کا بہترین طریقہ ہے۔
انہوں نے کہا کہ عام پانی کے مقابلے میں اسے ابال کر پینے سے جسم میں جانے والے پلاسٹک کے ذرات کی تعداد میں 2 سے 5 گنا تک کمی آسکتی ہے۔
