اٹلی کی سیکیورٹی ایجنسی نے ملک کے انتہائی مطلوب مافیا ڈان میٹیو میشینا دینارو کو سسلی سے گرفتار کر لیا ہے۔
برطانوی میڈیا کی خبروں کے مطابق اٹلی کے سب سے زیادہ مطلوب مافیا ڈان میٹیو میسینا دینارو کو 30 سال فرار ہونے کے بعد سسلی میں گرفتار کر لیا گیا ہے۔
میسینا دینارو کو مبینہ طور پر سسلی کے دارالحکومت پالرمو کے ایک نجی کلینک میں حراست میں لیا گیا تھا جہاں وہ کینسر کا علاج کرا رہے تھے۔
مافیا ڈان پر الزام ہے کہ وہ بدنام زمانہ کوسا نوسٹرا مافیا کا باس ہے اور اس پر 2002 میں متعدد قتل کے الزام میں مقدمہ چلایا گیا اور اسے غیر حاضری میں عمر قید کی سزا سنائی گئی۔
یہ بھی پڑھیں : اٹلی کے دارالحکومت روم میں فائرنگ، تین خواتین ہلاک
ڈان میٹیو میسینا دینارو کی گرفتاری کے خفیہ آپریشن میں مسلح افواج کے 100 سے زائد ارکان نے حصہ لیا۔
اطالوی میڈٰیا کی خبروں میں بتایا گیا ہے کہ میسینا دینارو کو دس بجے کے قریب کلینک سے گرفتار کیا گیا اور انہیں خفیہ مقام پر منتقل کر دیا گیا ہے۔
ڈان میٹیو میسینا دینارو کلینک میں ایک فرضی نام سے اپنے کینسر کے مرض کا علاج کرا رہا تھا، جہاں اس کی کیمو تھراپی کی جاتی تھی۔
اطالوی میڈیا کی طرف سے سوشل میڈیا پر گردش کرنے والی ایک ویڈیو میں دکھایا گیا ہے کہ ڈان کی گرفتاری کے وقت لوگ سڑک پر کھڑے پولیس کی تعریف کر رہے ہیں۔
جن قتلوں پر ڈان میٹیو میسینا دینارو کو سزا سنائی گئی ان میں 1992 میں مافیا مخالف پراسیکیوٹرز جیوانی فالکن اور پاولو بورسیلینو کا قتل، میلان، فلورنس اور روم میں 1993 کے مہلک بم حملے، اور 11 سالہ بیٹے کا اغوا، تشدد اور قتل شامل ہیں۔
واضح رہے کہ ڈان میٹیو میسینا دینارو نے ایک بار فخر سے کہا تھا کہ وہ اپنے متاثرین سے قبرستان بھر سکتا ہے۔
مافیا کے باس نے طاقتور کوسا نوسٹرا منظم جرائم سنڈیکیٹ کے لیے دھوکہ دہی، غیر قانونی فضلہ ڈمپنگ، منی لانڈرنگ اور منشیات کی اسمگلنگ کی بھی نگرانی کی۔
مبینہ طور پر وہ کورلیون قبیلے کے سربراہ ٹوٹو رینا کا سرپرست تھا، جسے 23 سال فرار ہونے کے بعد 1993 میں گرفتار کیا گیا تھا۔
