سابق وزیر اعلی پنجاب پرویز الہی کو پی ٹی آئی کا صدر مقرر کردیا گیا اس حوالے سے چیئرمین تحریک انصاف کی باضابطہ منظوری سے نوٹیفکیشن جاری کردیا گیا۔
تفصیلات کے مطابق چیئرمین پی ٹی آئی عمران خان کی ہدایت پر سابق وزیراعلیٰ پنجاب چوہدری پرویزالٰہی سے پارٹی کے مرکزی رہنما فواد چودھری نے ان کی رہائش گاہ پر ملاقات کی۔
سابق وفاقی وزیر فواد چوہدری نے عمران خان کی جانب سے نوٹیفکیشن کی کاپی چوہدری پرویزالٰہی کو پیش کی۔
چیئرمین پاکستان تحریک انصاف عمران خان کی خصوصی ہدایت پر سینئر نائب صدر تحریک انصاف چوہدری فواد حسین کی چوہدری پرویز الہٰی سے ملاقات۔
ملاقات میں چوہدری فواد حسین نے پرویز الہٰی کو تحریک انصاف کا صدر بنائے جانے کا نوٹیفکیشن اور مبارکباد دی۔
— PTI (@PTIofficial) March 7, 2023
اس موقع پر چوہدری پرویزالٰہی نے کہا کہ عمران خان نے جو اعتماد کیا اس کیلئے شکرگزار ہوں، عمران خان کے ساتھ ڈٹ کر آئین اور قانون کی سربلندی کی جدوجہد کریں گے۔
سابق وزیراعلیٰ پنجاب کا کہنا تھا کہ عمران خان ملک میں آئین اورقانون اورعام آدمی کی جنگ لڑ رہے ہیں، عمران خان کا راستہ روکنا حکومت کے بس کی بات نہیں وہ عوام کے دلوں میں بس چکے ہیں، ملک میں ہونے والا ہر سروے اور ہر ضمنی الیکشن عمران خان کی مقبولیت کی گواہی دے رہا ہے۔
