سابق وزیراعظم عمران خان نے اتوار کو 2 بجے مینار پاکستان پر جلسہ کرنے کا اعلان کردیا۔
تفصیلات کے مطابق پاکستان تحریک انصاف کی ریلی لاہور میں زمان پارک سے شروع ہوئی ، ریلی کی قیادت خود عمران خان نے کی، انتخابی ریلی مہم داتا دربار سے دوبارہ زمان پارک پہنچ کر اختتام پذیر ہوئی۔
ریلی کے دوران کارکنان سے خطاب کرتے ہوئے چیئرمین پی ٹی آئی عمران خان نے اتوار کو مینار پاکستان میں جلسہ کرنے کا اعلان کرتے ہوئے کہا کہ مینار پاکستان میں اتوار کو جلسہ دوپہر2 بجے ہوگا۔
عمران خان نے ریلی میں شرکت کرنے والے تمام کارکنان کا شکریہ ادا کرتے ہوئے کہا کہ عوام سے کہتا ہوں کہ یہ میری ذاتی لڑائی نہیں ، ہم نے ملکر جدوجہد کرنی ہے، میری جان کو خطرہ ہے تب بھی باہر نکلا ہوں۔
سابق وزیراعظم نے کہا کہ الیکشن سے باہر کرنے کے لیے اوپر بیٹھے لوگ ہر حربہ استعمال کررہے ہیں، کل بھی انہوں نے ہمیں ریلی کی اجازت نہیں دی، ظل شاہ کے قاتلوں کو سزا دلوائیں گے ، ساری قوم کی جانب سے پیغام دے رہا ہوں کہ ہم بھولیں گے نہیں۔
عمران خان نے مزید کہا کہ توشہ خانہ میں سب دودھ کا دودھ اور پانی کا پانی ہو گیا، فنڈنگ کیس میں (ن) لیگ کی فنڈنگ سامنے آئی تو سب پتہ چل جائے گا۔
عمران خان کی قیادت میں لاہور ریلی اپنی منزل کی جانب رواں دواں#ImranKhanRally pic.twitter.com/gJyskP2GL9
— PTI (@PTIofficial) March 13, 2023
سیکیورٹی خدشات کے پیش نظر پی ٹی آئی نے ریلی کے شرکا کو پیدل ہی مہم میں شرکت پر زور دیا ہے جبکہ انتظامیہ نے ریلی کے مرکزی شاہراہوں سے ملحقہ سڑکوں پر کنٹینرز لگا کر راستوں کو محدود کردیا ہے جب کہ چیئرمین پی ٹی آئی عمران خان بُلٹ پروف گاڑی میں موجود ہیں۔
#ImranKhanRally
Hope of the entire nation. pic.twitter.com/YJTDVvMsrj— PTI Lahore (@PTIOfficialLHR) March 13, 2023
ریلی میں پی ٹی آئی کے رہنماؤں اور کارکنوں کی کثیر تعداد موجود ہیں اور مختلف مقامات پر پہنچنے پر پی ٹی آئی کے کارکنوں کی جانب سے ریلی کا پرتپاک استقبال کیا جارہا ہے، عمران خان کی جانب سے ہاتھ ہلا کر کارکنوں کے نعروں کا جواب دیا جارہا ہے۔
زمان پارک میں ریلی کے اختتام پر چیئرمین عمران خان قوم سے خطاب میں ایک اہم اعلان کریں گے۔ @SMQureshiPTI
#ImranKhanRally pic.twitter.com/TtOixPA6os— PTI (@PTIofficial) March 13, 2023
پی ٹی آئی کے وائس چیئرمین شاہ محمود قریشی نے کہا ہے کہ عمران خان ریلی کے اختتام پر اہم اعلان کریں گے، پُرامن ہیں اور رہیں گے۔
پی ٹی آئی کے مرکزی رہنما اور سابق وفاقی وزیر فواد چوہدری نے ٹوئٹ میں کہا کہ ’اس وقت لاہور میں ریلی کے مناظر دیکھیں اور سمجھیں عمران خان کو روکنا عوامی فیض وغصب کو دعوت دینے کے مترادف ہے، لوگوں کے آگے احمق کھڑے ہوتے ہیں عقلمند عوام کو ساتھ لے کر چلتے ہیں۔
اس وقت لاہور میں ریلی کے مناظر دیکھیں اور سمجھیں عمران خان کو روکنا عوامی فیض وغضب کو دعوت دینے کے مترادف ہے ، لوگوں کے آگے احمق کھڑے ہوتے ہیں عقلمند عوام کو ساتھ لے کر چلتے ہیں
— Ch Fawad Hussain (@fawadchaudhry) March 13, 2023
خیال رہے کہ اسلام آباد کی ڈسٹرکٹ اینڈ سیشن کورٹس اسلام آباد نے خاتون جج کو دھمکی کیس میں عمران خان کے ناقابل ضمانت وارنٹ گرفتاری جاری کر دیے۔
دوسری جانب خاتون جج کو دھمکانے کے کیس میں ناقابل ضمانت وارنٹ گرفتاری جاری ہونے پر اسلام آباد پولیس کی ٹیم عمران خان کو گرفتار کرنے پھر لاہو رپہنچ گئی۔ ذرائع کے مطابق اسلام آباد پولیس کی ٹیم خصوصی ہیلی کاپٹر کے ذریعے عمران خان کے وارنٹ گرفتاری لے کر لاہور پہنچی۔
