رہنما تحریکِ انصاف فواد چوہدری کا کہنا ہے کہ عمران خان کے وارنٹ گرفتاری چیلنج کردیےگئےہیں، کچھ دیر میں سماعت کا امکان ہے۔

سماجی رابطے کی ویب سائٹ ٹوئٹر پر اپنی ٹوئٹ میں انھوں نے کہا کہ اسلام آباد ہائی کورٹ میں توشہ خانہ کیس میں عمران خان کے وارنٹ گرفتاری چیلنج کردیے ہیں، کچھ دیر بعد سماعت کا امکان ہے۔ شبلی فراز اور بیرسٹر گوہر اسلام آباد ہائی کورٹ پہنچ گئے ہیں۔

اسلام آباد ہائیکورٹ میں توشہ خانہ کیس میں عمران خان کے وارنٹ گرفتاری چیلنج کر دئیے گئے ہیں ، کچھ دیر بعد سماعت کا امکان ہے، شبلی فراز اور بیرسٹر گوہر اسلام آباد ہائیکورٹ پہنچ گئے ہیں

— Ch Fawad Hussain (@fawadchaudhry) March 14, 2023

مریم نواز کے ٹوئٹ پر ردعمل میں انھوں نے کہا کہ ہمیں پتا ہے آپ کو لاشیں چاہییں لیکن ایسا کچھ نہی ہوگا، وارنٹ پر بنی گالا کا ایڈریس ہے۔

سابق وفاقی وزیر چوہدری فواد حسین نے کہا کہ زمان پارک کا نہیں، پہلے واپس عدالت جائیں، پتا ٹھیک کروائیں یہ قانونی طریقہ ہے۔  سارا ٹبرتوشہ خانہ ڈکار گیا ہے اور گرفتاری عمران خان کی ہونی ہے؟ کوئی شرم ہوتی ہے حیا ہوتی ہے۔