الیکشن کمیشن کی جانب سے پنجاب میں 30 اپریل کو ہونے والے انتخابات ملتوی کئے جانے پر پی ٹی آئی رہنماؤں کا شدید ردعمل سامنے آگیا۔
پی ٹی آئی رہنما فرخ حبیب کا ردعمل
سماجی رابطے کی ویب سائٹ ٹویٹر پر اپنے ایک پیغام میں پی ٹی آئی رہنما فرخ حبیب نے الیکشن کمیشن کے فیصلے پر ردعمل دیتے ہوئے کہا کہ کیا آج رات سپریم کورٹ کھلے گی؟؟ یہ نہیں ہوسکتا وہ الیکشن کمیشن جس کے پاس تاریخ دینے کا اختیار ہی نہیں تھا وہ 30 اپریل کی جگہ 8 اکتوبر کی انتخابات کی تاریخ دے رہا ہے۔
کیا آج رات سپریم کورٹ کھلے گی؟؟ یہ نہیں ہوسکتا وہ الیکشن کمیشن جس کے پاس تاریخ دینے کا اختیار ہی نہیں تھا وہ 30 اپریل کی جگہ 8 اکتوبر کی انتخابات کی تاریخ دے رہا ہے pic.twitter.com/pSqPzBd0NO
— Farrukh Habib (@FarrukhHabibISF) March 22, 2023
فرخ حبیب نے کہا کہ ساری سازشیں بے نقاب ہوچکی ہیں، سب ساتھ ملے ہوئے ہیں، الیکشن کمیشن نئے تاریخ کیسے دے سکتا ہے؟ ملک میں آئین کو ختم اور سپریم کورٹ کے فیصلوں کو روند دیا گیا، ابھی وقت ہے آج رات سپریم کورٹ کھلے اور غیر قانونی حکم کو معطل کرے۔
انہوں نے یہ بھی کہا کہ سپریم کورٹ کا امتحان ہے اپنے فیصلے پر عمل کرائے، آرٹیکل 220سپریم کورٹ کو الیکشن کے لئے کسی بھی ایگزیکٹو سے مدد لے سکتا ہے۔
پی ٹی آئی رہنما فرخ حبیب نے مزید کہا کہ ان کو انتخابات سے نہیں بھاگنے دیں گے اس کے خلاف اب سب کو آواز اٹھانی ہوگی۔ بند کمروں میں فیصلے نہیں ہوسکتے، پورے پاکستان کو آئین کی بحالی کی تحریک چلانا ہوگی۔
پی ٹی آئی رہنما فیصل جاوید کا ردعمل
پی ٹی آئی رہنما فیصل جاوید نے بھی سماجی رابطے کی ویب سائٹ ٹویٹر پر اپنے ایک پیغام میں کہا کہ سپریم کورٹ آف پاکستان کبھی بھی الیکشن منسوخی کو قبول نہیں کرےگی، نگران حکومتوں کو فوری طور پر برطرف کیا جائے، پی ڈی ایم ہمیشہ کی طرح سیاسی میدان سے بھاگ رہی ہے، اب یہ آئینی جنگ کا آغاز ہے، پاکستان بھر کے وکلاء آئین کی حکمرانی کے لیے اپنا کردار ادا کریں گے،انشاء اللہ۔
سپریم کورٹ آف پاکستان کبھی بھی الیکشن منسوخی کو قبول نہیں کرےگی – نگران حکومتوں کو فوری طور پر برطرف کیا جائے -پی ڈی ایم ہمیشہ کیطرح سیاسی میدان سے بھاگ رہی ہے- اب یہ آئینی جنگ کا آغاز ہے- پاکستان بھر کے وکلاء آہین کی حکمرانی کے لیے اپنا کردار ادا کریں گے – انشاء اللہ
— Faisal Javed Khan (@FaisalJavedKhan) March 22, 2023
پی ٹی آئی رہنما شہباز گل کا ردعمل
پی ٹی آئی رہنما شہباز گل نے کہا ہے کہ الیکشن کمیشن کے مطابق وہ تو الیکشن کی تاریخ دے ہی نہیں سکتا، یہ 8 اکتوبر کی تاریخ کس طرح سے دے دی ہے؟جن وجوہات کی بنیاد پر الیکشن ملتوی کرنے کا اعلان ہوا ہے ان وجوہات کو جواز بنا کر الیکشن اگلے 100 سال تک ملتوی کیا جا سکتا ہے۔ یہ آئین پاکستان کی معطلی کا باقاعدہ نوٹیفکیشن ہے جو کسی صورت میں سپریم کورٹ کے سامنے نہیں ٹھہر سکتا، عوام اور سپریم کورٹ ہی آئین کے محافظ ہیں۔
جن وجوہات کی بنیاد پر الیکشن ملتوی کرنے کا اعلان ہوا ہے ان وجوہات کو جواز بنا کر الیکشن اگلے 100 سال تک ملتوی کیا جا سکتا ہے
یہ آئین پاکستان کی معطلی کا باقاعدہ نوٹیفکیشن ہے جو کسی صورت میں سپریم کورٹ کے سامنے نہیں ٹھہر سکتا
عوام اور سپریم کورٹ ہی آئین کے محافظ ہیں— Dr. Shahbaz GiLL (@SHABAZGIL) March 22, 2023
پی ٹی آئی رہنما اسد قیصر کا ردعمل
رہنما پی ٹی آئی اسد قیصر نے سماجی رابطے کی ویب سائٹ ٹویٹر پر اپنے ایک پیغام میں کہا کہ امپورٹڈ حکومت نے سپریم کورٹ کے فیصلے کو پیروں تلے روند ڈالا، پی ڈی ایم اور الیکشن کمیشن نے ایک بار پھر الیکش سے بھاگنے کی کوشش کی، عدلیہ آئین شکن حکومت اور الیکشن کمیشن کے خلاف ایکشن لیں اور ملک میں آئین و قانون کی حکمرانی کو بحال کریں۔
پی ڈی ایم اور الیکشن کمیشن کا گٹھ جوڑ ایک بار پھر الیکش سے بھاگنے کی کوشش۔ عدلیہ آئین شکن حکومت اور الیکشن کمیشن کے خلاف ایکشن لیں اور ملک میں آئین و قانون کی حکمرانی کو بحال کریں ۔ امپورٹڈ حکومت نے سپریم کورٹ کے فیصلے کو پیروں تلے روند ڈالا ۔
— Asad Qaiser (@AsadQaiserPTI) March 22, 2023
واضح رہے اس سے قبل الیکشن کمیشن آف پاکستان نے پنجاب میں 30 مارچ کو شیڈول عام انتخابات ملتوی کردیے۔
الیکشن کمیشن آف پاکستان کی جانب سے پنجاب میں انتخابات کا شیڈول معطل کردیا گیا ہے۔ الیکشن کمیشن نے انتخابات ملتوی کرنے کا با ضابطہ حکم نام جاری کر دیا۔
الیکشن کمیشن کی جانب سے جاری ہونے والے بیان میں کہا گیا کہ 30 مارچ کو پنجاب میں شفاف انتخابات کرانا ممکن نہیں ہے جب کہ الیکشن کمیشن نے پنجاب میں عام انتخابات 8 اکتوبر کو کرانے کا فیصلہ کیا ہے۔
ترجمان الیکشن کمیشن کا کہنا تھا کہ تمام اداروں نے الیکشن ملتوی کرنے کی سفارش کی ہے، موجودہ صورتحال میں صاف اور شفاف انتخابات کرانا ممکن نہیں۔
