مریم اورنگزیب نے کہا ہے کہ دہشت گردی کاخاتمہ پاکستان کی بقاء اور سالمیت کے لئے نہایت ضروری ہے۔

تفصیلات کے مطابق وفاقی وزیر اطلاعات و نشریات مریم اورنگزیب نے سماجی رابطے کی ویب سائٹ ٹویٹر پر اپنے ایک پیغام میں کہا کہ باجوڑ کے صدر مقام خار میں جمعیت علمائے اسلام(ف) کے ورکرز کنونشن میں دھماکے کی شدید مذمت کرتی ہوں جس میں قیمتی انسانی جانوں کا بڑا نقصان ہوا اور درجنوں زخمی ہوگئے۔

مریم اورنگزیب نے کہا کہ پی ڈی ایم کے سربراہ، جے یو آئی کے امیر مولانا فضل الرحمان اور متاثرہ خاندانوں سے دلی تعزیت اور افسوس کرتے ہیں۔

باجوڑ کے صدر مقام خار میں جمعیت علمائے اسلام(ف) کے ورکرز کنونشن میں دھماکے کی شدید مذمت کرتی ہوں جس میں قیمتی انسانی جانوں کا بڑا نقصان ہوا اور درجنوں زخمی ہوگئے۔ پی ڈی ایم کے سربراہ، جے یو آئی کے امیر مولانا فضل الرحمان اور متاثرہ خاندانوں سے دلی تعزیت اور افسوس کرتےہیں۔ یہ…

— Marriyum Aurangzeb (@Marriyum_A) July 30, 2023

انہوں نے یہ بھی کہا کہ یہ واقعہ ثبوت ہے کہ دہشت گردوں کا مذہب صرف دہشت گردی ہے، انہیں انسانیت، معصوم جانوں سے کوئی سروکار نہیں۔

وفاقی وزیر اطلاعات و نشریات مریم اورنگزیب نے مزید کہا کہ دہشت گردی کاخاتمہ پاکستان کی بقاء اور سالمیت کے لئے نہایت ضروری ہے، اللہ تعالیٰ شہدا کو جوار رحمت میں اعلیٰ مقام عطا فرمائے اور لواحقین کو صبر جمیل جبکہ زخمیوں کو صحت دے۔ آمین

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں