بھارتی فوج نے لائن آف کنٹرول (ایل او سی) کے نکال سیکٹر میں شہری آبادی کو نشانہ بنایا جس سے ایک شہری شہید جبکہ 3 خواتین زخمی ہوگئیں۔

پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی بلا اشتعال فائرنگ سے ضلع کوٹلی کے گاؤں اولی کے 60 سالہ باسی غیاث  شہید ہوئے جبکہ بلا اشتعال فائرنگ سے گھاس کاٹنے میں مصروف 3 خواتین زخمی ہوئیں۔

بھارتی فوج کی ایل او سی پر سیز فائر کی خلاف ورزی، بھارتی فوج کی فائرنگ سے 60 سالہ شہری جاں بحق ہوگیا، بھارتی فوج نے نکیال سیکٹر میں شہری آبادی کو نشانہ بنایا- آئی ایس پی آر#BOLNews #ISPR pic.twitter.com/uE18df60aX

— BOL Network (@BOLNETWORK) August 21, 2023

آئی ایس پی آر کا کہنا ہے کہ بھارتی جارحیت دونوں ممالک کے درمیان جنگ بندی کی کھلم کھلا خلاف ورزی ہے، پاکستان اپنی سرحدوں پر امن و سکوں کا خواہاں ہے۔

آئی ایس پی آر کا مزید کہنا ہے کہ اپنے شہریوں کے جان و مال کے تحفظ کے لئے تمام ممکنہ اقدامات کئے جائیں گے، پاکستان کے عوام کے خلاف کسی بھی مہم جوئی کا اپنی مرضی کے وقت اور مقام پر منہ توڑ جواب دیا جائے گا۔