بالی وڈ فلم ’ایک ولن ریٹرنز‘ کی اداکارہ تارا ستاریہ کی تصاویر سوشل میڈیا پر وائرل ہوگئیں۔

سوشل میڈیا پر وائرل ہونے والی تصاویر میں اداکارہ کو سیاہ لباس میں دیکھا جا سکتا ہے۔

 اداکارہ کی وائرل ہونے والی تصاویرمیں انہیں شولڈر لیس لباس زیب تن کیے ہوئے دیکھا جا سکتا ہے۔

تارا ستاریہ 19 نومبر 1995ء کو ایک زرتشتی پارسی خاندان میں پیدا ہوئی، اداکارہ کی ایک جڑواں بہن بھی ہے۔

دونوں بہنوں نے اسکول آف کلاسیکل بیلے اینڈ ویسٹرن ڈانسز، رائل اکیڈیمی آف ڈانس برطانیہ اور دی امپیریل سوسائٹی فار ٹیچرز آف ڈانسنگ برطانیہ سے کلاسیکل بیلے سے جدید رقص اور لاطینی امریکی رقص میں تربیت حاصل کی ہے جبکہ اداکارہ تارا سوتاریہ نے سینٹ اینڈریو کالج آف آرٹس، سائنس اینڈ کامرس سے ماس میڈیا میں بیچلر ڈگری بھی حاصل کی۔

تارا سات برس کی عمر سے ہی ایک پیشہ ور گلوکارہ ہے جو اوپیراؤں اور مختلف مقابلوں میں گاتی رہی ہیں۔

انہوں نے اپنے کیریئر کا آغاز 2010ء میں چائلڈ آرٹسٹ کی حیثیت سے ڈزنی انڈیا کے بگ بڑا بوم سے کیا اور سٹکام کے دی سوٹ لائف آف کرن اینڈ کبیر اور اوئے جیسی فلموں سے کامیابی حاصل کی۔

اداکارہ نے فلمی سفر کا آغاز 2019ء میں اسٹوڈنٹ آف دی ایئر 2 سے کیا جس کے پروڈیوسر کرن جوہر تھے اور اس فلم میں ٹائیگر شروف اور اننیا پانڈے جیسے ستارے بھی شامل تھے۔