بھارت کی معروف اداکارہ بپاشا باسو کی بیٹی کے ہمراہ تصاویر وائرل ہو گئیں۔
حال ہی میں اداکارہ نے اپنی انسٹاگرام اسٹوری پر بیٹی کے ہمراہ کچھ تصاویر پوسٹ کی ہیں جسے مداحوں کی جانب سے خوب پسند کیا جارہا ہے۔
شیئر کی گئی تصاویر میں اداکارہ کو اپنی بیٹی کی پیدائش کے 11 ماہ مکمل ہونے کی خوشی کو مناتے ہوئے دیکھا جا سکتا ہے۔
اداکارہ نے اپنی انسٹاگرام اسٹوری پر کیک کی تصویر پوسٹ کی ساتھ ہی لکھا کہ دیوی کو 11 ماہ مکمل ہوگئے ہیں۔
بپاشا کی جانب سے انسٹاگرام اسٹوری پر پوسٹ کی جانے والی تصاویر میں اداکارہ کو اپنی فیملی کے ساتھ اس خوشی کو مناتے ہوئے دیکھا جا سکتا ہے۔
پوسٹ کردہ تصاویر پر مداحوں کی جانب سے دیوی کو سالگرہ کی مبارکباد دی جا رہی ہے ساتھ ہی نیک خواہشات کا بھی اظہار کیا جا رہا ہے۔
آج کل بپاشا باسو اپنی بیٹی دیوی کے ساتھ وقت گزارنے میں مصروف ہیں اور یہ ہی وجہ ہے کہ وہ بڑے پردے سے بھی دور ہیں۔
واضح رہے بپاشا اور کرن سنگھ گرور کی پہلی ملاقات 2015 کی فلم آلون کے سیٹ پر ہوئی تھی جس کے بعد دونوں نے شادی کا فیصلہ کر لیا تھا۔
30 اپریل 2016 کو بپاشا نے اداکار کرن سنگھ گروور سے شادی کی تھی۔
اس جوڑی کے ہاں 12 نومبر 2022 کو بیٹی کی ولادت ہوئی تھی۔
بپاشا باسو کے کیریئر کے حوالے سے بات کی جائے تو اداکارہ نے بطور ماڈلنگ اپنے کیریئر کا آغاز کیا اور 2001 میں اپنی پہلی فلم اجنبی سے ڈیبیو کیا۔
اداکارہ نے ہندی فلم انڈسٹری میں صرف اور صرف اپنی محنت کے بل بوتے پر جگہ بنائی اور 50 سے زیادہ فلموں میں کام کیا جن میں فلم راز سمیت جسم، رودرکش، برسات، اپاہرن، نو انٹری، اور بہت سی فلمیں اداکارہ کی وجہ شہرت بنیں۔
واضح رہے بپاشا نے 2013 میں تاریخی رومانوی فلم دی لورز سے ہالی وڈ میں بھی قدم رکھا تھا۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
