نگران وزیر خارجہ جلیل عباس جیلانی سے انٹرنیشنل آرگنائزیشن فار مائیگریشن (آئی او ایم) کی سربراہ ایمی پوپ نے ملاقات کی ہے ۔
ترجمان دفتر خارجہ کے مطابق نگران وزیر خارجہ جلیل عباس جیلانی سے انٹرنیشنل آرگنائزیشن فار مائیگریشن (آئی او ایم) کی سربراہ ایمی پوپ نے ملاقات کی جس میں آرگنائزیشن فار مائیگریشن کے جاری منصوبوں پر تبادلہ خیال کیا گیا۔
FM @JalilJilani received @IOMchief Amy Pope. He appreciated IOM’s valuable work in Pakistan, especially in areas of migration, and humanitarian support after the 2022 devastating floods. Also exchanged views on IOM’s ongoing projects in the country. FM reaffirmed Pakistan’s… pic.twitter.com/b8y2Vt27IX
— Ministry of Foreign Affairs – Pakistan (@ForeignOfficePk) December 21, 2023
ملاقات میں نگران وزیر خارجہ نے انٹرنیشنل آرگنائزیشن فار مائیگریشن کے پاکستان میں قابل قدر کام خاص طور پر 2022 کے تباہ کن سیلاب کے بعد انسانی امداد کو سراہا۔
ملاقات میں نگران وزیر خارجہ جلیل عباس جیلانی نے آئی او ایم کے مینڈیٹ کے لیے پاکستان کی حمایت کا اعادہ کیا۔
کینیڈین ہائی کمشنر اور وزیر خارجہ کی ملاقات؛ دوطرفہ تعلقات پر تبادلہ خیال
دوسری جانب کینیڈا کی ہائی کمشنر لیزلی سکینلون اور نگراں وزیر خارجہ جلیل عباس جیلانی کی بھی ملاقات ہوئی جس میں پاکستان اور کینیڈا کے دوطرفہ تعلقات کے مختلف پہلوؤں پر تبادلہ خیال ہوا۔
ملاقات میں پاکستان میں موجود افغان باشندوں کی واپسی سے متعلق بات چیت کی گئی اور پاکستانی حکومت کی طرف سے افغان شہریوں کی کینیڈا میں آباد کاری کے عمل پر بھی تبادلہ خیال کیا گیا۔
کینیڈین ہائی کمشنر لیزلی سکینلون نے آبادکاری کے عمل میں پاکستان کی مدد پر نگراں وزیر خارجہ جلیل عباس جیلانی کا شکریہ ادا کیا۔
