سردی کے موسم میں پائے کا سالن کھانا بے حد ضروری ہے، اس کی اہم وجہ یہ ہے کہ پائے کا سالن جسم کو حرارت پہنچاتا ہے اس کے علاوہ یہ ہڈیوں کے لئے بہت مفید ہوتا ہے۔

طبی ماہرین کے مطابق پروٹین سے بھرپور پائے کے گودے میں امینو ایسڈ ہوتا ہے جو ہڈیوں اور جوڑوں کے درد کو کم کرتا ہے اور آسٹیوپوروسس کے مرض سے بچاتا ہے اس کے علاوہ یہ جسم میں قوت مدافعت کو بڑھاتا ہے اور سردیوں کی بیماری سے لڑنے کی طاقت دیتا ہے۔

لاہوری پائے

اجزاء:

گائے کے پائے۔۔۔۔۔۔۔۔۔۔۔ دو عدد
پیاز۔۔۔۔۔۔۔۔۔۔۔ ایک عدد
ٹماٹر۔۔۔۔۔۔۔۔۔۔ تین عدد
ہری مرچ۔۔۔۔۔۔۔۔۔۔۔ تین عدد
لہسن،ادرک پیسٹ۔۔۔۔۔۔۔۔۔۔۔۔۔۔ تین کھانے کے چمچ
نمک۔۔۔۔۔۔۔۔۔۔۔۔۔ ایک کھانے کا چمچ
لال مرچ۔۔۔۔۔۔۔۔۔۔۔۔۔ ایک کھانے کا چمچ
ہلدی۔۔۔۔۔۔۔۔۔۔۔۔۔ ایک چائے کا چمچ
زیرہ پاؤڈر۔۔۔۔۔۔۔۔۔۔۔۔۔ ایک کھانے کا چمچ
دھنیا پاؤڈر۔۔۔۔۔۔۔۔۔۔۔۔۔۔ ایک کھانے کا چمچ
گرم مصالحہ۔۔۔۔۔۔۔۔۔۔۔۔۔۔ دو کھانے کے چمچ
تیز پات۔۔۔۔۔۔۔۔۔۔ دوپتے
لونگ۔۔۔۔۔۔۔۔۔۔۔ چارعدد
دار چینی۔۔۔۔۔۔۔۔۔۔۔ دوعدد
گھی۔۔۔۔۔۔۔۔۔۔۔۔۔۔۔ آدھا کپ

سجاوٹ کے لیے:

ہرا دھنیا: حسبِ ضرورت
ادرک: حسبِ ضرورت
لیموں: حسبِ ضرورت

ترکیب:

پائے ابال لیں ۔
پیاز کو ہلکا براؤن کر کے لہسن،ادرک کا پیسٹ ڈالیں۔
پھر تیز پات،لونگ اور دار چینی۔ ہری مرچ اور تمام مصالحہ ڈال کر بھونیں۔
اور پھر پائے ڈال کر بھون لیں۔
پھر گرم پانی شامل کر لیں (اتنا جتنا آپ کوشوربہ رکھنا ہے)
تین سے پانچ گھنٹے تک ہلکی آنچ پر پکا کر اتار لیں۔
مزیدار لاہوری پایا تیار ہے۔