سرجری کے ذریعے موٹاپا ختم کرنے والی معروف برازیلین انفلوئنسر میلا ڈی جیزز 35 سال کی عمر میں ہلاک ہوگئیں۔
غیرملکی خبررساں ادارے کی رپورٹ کے مطابق امریکی شہر بوسٹن میں رہائش پذیر 35 سالہ برازیلین انفلوئنسر میلا ڈی جیزز کی موت کی خبر ان کے شوہر جارج کوسزک نے اپنے انسٹاگرام اکاؤنٹ کے ذریعے دی۔
برازیلین ماڈل اور انفلوئنسر میلا ڈی جیزز کو 2017 میں اس وقت شہرت ملی جب انہوں نے اپنی ٹرانسفورمیشن کی تصاویر انسٹاگرام پر اپ لوڈ کیں، جس میں انہوں نے اپنا موٹاپا ختم کرنے کے بعد نئی اور پرانی تصاویر اپنے چاہنے والے کے ساتھ شیئر کیں۔
View this post on Instagram
میلا ڈی جیزز کا کہنا تھا کہ انہوں نے اپنا موٹاپا ختم کروانے کے لیے سرجری کروائی اور اس فیصلے نے میری زندگی بدل دی کیوں کہ میں 20 سال کی عمر میں نہایت موٹی دکھتی تھی لیکن اب 30 سال کی عمر میں اسمارٹ ہوگئی ہوں اور مجھے لوگوں کی توجہ بھی مل رہی ہے۔
60 ہزار انسٹاگرام فالوورز رکھنے والی انفلوئینسر نے کچھ روز قبل اپنا موٹاپا ختم کرنے کی سالگرہ بھی منائی تھی اور اپنی پوسٹ میں انہوں نے اپنی زندگی میں ہونے والی تبدیلی سے متعلق صارفین کو بتایا۔
میلا ڈٰ جیزز نے اپنی پوسٹ میں لکھا کہ وہ ایک بیماری سے لڑرہی تھی اور ان کی زندگی ڈاکٹرز، دوائیاں اور مسائل کے گرد ہی گھوم رہی تھیں تاہم اس فیصلے نے میری زندگی میں خوشگوار تبدیلیاں لائیں۔
انسٹاگرام پر میلا ڈی جیزز کی موت کی خبر سن کر ان کے مداح صدمے میں ہیں اور وہ اس غم میں ان کی فیملی کے ساتھ افسوس اور ہمدری کا اظہار کررہے ہیں۔
