پاکستان سپر لیگ (پی ایس ایل) کے نئے ترانے کا نام عالمی شہرت یافتہ گلوکار علی ظفر نے سوشل میڈیا پر شیئر کردیا۔
تفصیلات کے مطابق سماجی رابطے کی ویب سائٹ ایکس (سابقہ ٹوئیٹر) پر علی ظفر نے پی ایس ایل کے آفیشل اکاؤنٹ کی ٹوئیٹ کو کوٹ ٹوئیٹ کرتے ہوئےلکھا ’ تو اس بار ہیش ٹیگ کھیلنے اور بے خوف رہنے کے بارے میں ہے اور اسی لیے میں نے لکھا ہے’کھل کے کھیل‘۔
اُنہوں نے شائقین کرکٹ سے کہا کہ جھومنے اور خوشیاں منانے کی تیاری کرلیں۔
So this time it’s about playing and living fearlessly and so I wrote …. “KHUL KE KHEL” ✨ Get your dancing shoes ready !
#KhulKeKhel #comingsoon #HBLPSL9 #anthem https://t.co/BO5Wrpt6JZ
— Ali Zafar (@AliZafarsays) February 4, 2024
پاکستان سپر لیگ کے آفیشل اکاؤنٹ کی پوسٹ میں ترانے کی دُھن تھی اور ساتھ ہی پوسٹ پر کیپشن لکھا تھا ’جب مقابلہ ہو ٹکر کا تو کھل کے کھیل‘۔
واضح رہے کہ علی ظفر اس سے قبل بھی پی ایس ایل کے ترانے گا چکے ہیں جو آج بھی سب سے زیادہ پسند کیے جاتے ہیں۔
رواں برس پی ایس ایل کے نواں ایڈیشن کا آغاز 17 فروری سے ہوگاجس کی تیاری زور و شور سے جاری ہے۔
