اسلام آباد میں وزیراعظم شہبازشریف نے بل گیٹس سے ملاقات کے دوران پولیو کے خاتمے کے پروگرام سے متعلق اظہارِ تشکر کیا۔

وزیراعظم کی زیرصدارت پولیوکے خاتمےسےمتعلق قومی ٹاسک فورس کااجلاس منعقد ہوا۔ شریک سربراہ گیٹس فاؤنڈیشن بل گیٹس نے اجلاس میں شرکت کی۔

وزیراعظم شہبازشریف نے پولیوکے خاتمے کے پروگرام میں گیٹس فاؤنڈیشن سے اظہارتشکرکیا اورانھوں نے پولیوکے خلاف فرنٹ لائن ورکرز، قیادت کےتعاون کوبھی سراہا۔

وزیراعظم شہبازشریف نے کہا کہ جب تک وائرس موجود ہے خاتمےکیلئے کوششیں جاری رہیں گی، 5 پولیوکیسز، 185 ماحولیاتی نمونوں میں تصدیق باعث تشویش ہے۔

وزیراعظم نے پولیوٹیموں کوسیکیورٹی فراہم کرنےکی ہدایت بھی کی۔

اس موقع پر بل گیٹس نے کہا کہ گیٹس فاؤنڈیشن پولیو کے خاتمے کے لیے پاکستان کی مدد جاری رکھےگی۔