ترجمان وزیراعلٰی و پنجاب حکومت نے کہا ہے کہ ملک میں بےروزگاری کا سیلاب آیا ہوا ہے اور حکمران بانسری بجارہے ہیں۔
تفصیلات کے مطابق سماجی رابطے کی ویب سائٹ پر اپنے ایک پیغام میں ترجمان وزیراعلٰی و پنجاب حکومت مسرت جمشید چیمہ نے کہا ہے کہ پاکستان میں ہر دن کوئی نئی صنعت یا کارخانہ بند ہو رہا ہے اور خوراک بھی عام آدمی کی پہنچ سےدور ہو رہی ہے، پاکستانی عوام ملک کے ساتھ اس ظلم کو نہیں بھولےگی۔
ہر دن کوئی نئی صنعت یا کارخانہ بند ہو رہا ہے. بےروزگاری کا سیلاب آیا ہوا ہے اور ہمارے حکمران نیرو کی طرح بانسری بجا رہے ہیں. خوراک بھی عام آدمی کی پہنچ سےدور ہو رہی ہے. کیا پاکستان کو دیوالیہ کرنا رجیم چینج آپریشن کے مشن کا حصہ ہے؟ پاکستانی عوام ملک کے ساتھ اس ظلم کو نہیں بھولےگی
— Musarrat Cheema (@MusarratCheema) January 7, 2023
انہوں نے کہا ہے کہ عوام مہنگائی اور غربت کے بوجھ تلے دب رہی ہے جبکہ حکمران ٹولے کے بچے عدالتوں سے بری ہو رہے ہیں تو کیا پاکستان کو دیوالیہ کرنا رجیم چینج آپریشن کے مشن کا حصہ ہے؟
یہ بھی پڑھیں: پاکستان دیوالیہ ہو چکا ہے اور کوئی ہماری مدد کرنے کو تیار نہیں، مسرت جمشید چیمہ
انہوں نے مزید کہا کہ خفیہ طاقتوں کا پاکستان کی ترقی روکنے کا مشن کسی صورت کامیاب نہیں ہونے دیں گے، ملک کی قسمت کا فیصلہ کرپٹ مافیا کی بجائے عوامی ووٹ کی طاقت سے ہونا چاہیے ۔
اپنے گزشتہ پیغام میں انہوں نے کہا ہے کہ پاکستان کے زرمبادلہ کے ذخائر 5.6 ارب ڈالر سے کم رہ گئے ہیں، دیوالیہ ہونے کی نہج پر پہنچ چکا ہے۔
پاکستان دیوالیہ ہونے کی نہج پر ہے.. کوئی عالمی ادارہ اسحاق ڈار کو قابل بھروسہ نہیں سمجھ رہا اور ہماری مدد کرنے کو تیار نہیں. اس وقت پاکستان بقاء کے مسئلے سے دوچار ہے اور الیکشن ہی اس مسئلے کا حل ہیں
— Musarrat Cheema (@MusarratCheema) January 6, 2023
ترجمان پنجاب حکومت کا کہنا تھا کہ عوام پر مہنگائی کے بم گرانے والوں پر الیکشن سے فرار کے علاوہ کوئی راستہ نہیں ہے۔
ان کا کہنا تھا کہ پاکستان کی سالمیت کیلئے اس چور ٹولے سے جان چھڑانے کی اشد ضرورت ہے اور الیکشن ہی اس مسئلے کا حل ہیں۔
انشاء اللہ عوام کسی صورت انکی سیاسی چالبازی کو کامیاب نہیں ہونے دے گی۔
مزید پڑھیں؛ پاکستان کی معیشت کو دلدل سے نکالنے کا واحد حل فوری انتخابات ہیں، مسرت جمشید چیمہ
