سابق وفاقی وزیر شیخ رشید نے کہا ہے کہ عمران خان نے ساری پارٹیوں کو چاروں شانے چت کردیا ہے ۔
سماجی رابطے کی ویب سائٹ پر اپنے ایک پیغام میں عوامی مسلم لیگ کے سربراہ نے کہا ہے کہ حکومت نے ملک کو جہاں پہنچا دیا ہے وہاں سے نکالنا اب کوئی آسان کام نہیں ہو گا۔
امیدہےسپریم کورٹ سےاورسیزپاکستانیوں کوووٹ کاحق ملےگااورآئندہ حکومت میں انکاکلیدی کردارہوگاعالمی بینک نےپاکستان کیلئے1.1ارب ڈالرکاقرضہ روک دیاLCکھل نہیں رہی پورٹ سےمال چھوٹ نہیں رہاغریب آٹےکےتھیلےکیلئےمررہاہےملک ٹیکنیکلی ڈیفالٹIMFکھٹائی میں۔غریب کےلیےتکلیف اوراپنےکیسز میں ریلیف ہے
— Sheikh Rashid Ahmed (@ShkhRasheed) January 19, 2023
انہوں نے کہا کہ مارچ اپریل تک حالات اتنے سنگین ہوجائیں گے کہ اپنے حق کے لیے لوگ سڑکوں پر ہونگے اور صرف جلد الیکشن ہی ان سب کا واحد حل ہے۔
انہوں نے مزید کہا کہ عالمی بینک نے پاکستان کیلئے 1.1 ارب ڈالر کا قرضہ روک دیا ہے، ایل سی کھل نہیں رہیں، پورٹ سے مال چھوٹ نہیں رہا اور غریب آٹے کے تھیلے کیلئے مر رہا ہے۔
شیخ رشید نے کہا ہے کہ اس ملک میں غریب کے لیے تکلیف اور اپنے کیسز میں ریلیف ہے، ملک ٹیکنیکلی ڈیفالٹ ہوگیا ہے اور آئی ایم ایف کھٹائی میں ہے۔
ان کا کہنا تھا کہ امید ہے سپریم کورٹ سے اورسیز پاکستانیوں کو ووٹ کا حق ملے گا اور آئندہ حکومت میں انکا کلیدی کردار ہوگا۔
— Sheikh Rashid Ahmed (@ShkhRasheed) January 19, 2023
اپنے ایک اور پیغام میں سابق وزیر داخلہ نے اسپیکر قومی اسمبلی کی جانب سے پی ٹی آئی رہنماؤں کے استعفوں کی منظوری پر اپنے خیالات کا اظہار کیا ہے۔
انہوں نے کہا ہے کہ عمران خان نے اسمبلیوں میں جانے کا نام لیا توان کے چھکے چھوٹ گئے اور جو اسپیکر کہتا تھا کہ میں ایک ایک کا استعفیٰ منظور کروں گا اس نے 35 استعفے منظور کر کے ن لیگ کی خوفزدہ قیادت کو بے نقاب کر دیا ہے۔
انہوں نے مزید کہا کہ حکومت نے 35 ممبروں کا استعفیٰ الیکشن کمیشن سے منظور کروا کے خود کو مزید گندہ بنادیا ہے۔
شیخ رشید کا کہنا تھا کہ جس طرح ملک تباہی کی طرف جارہا ہے اگر بروقت قدم نہ اٹھایا تو یہ ملک بدنظمی اور معاشی تباہی کی طرف چلا جائے گا۔
حکمرانوں کی نام نہاد جمہوریت بے نقاب ہوگئی ہےجو سپیکر کہتا تھا کہ میں ایک ایک کا استعفیٰ منظور کروں گا اس نے 35 استعفے منظور کر کے نون لیگ کی خوفزدہ قیادت کو بے نقاب کر دیا ہےجس طرح ملک تباہی کی طرف جارہا ہے اگر بروقت قدم نہ اٹھایا تو یہ ملک بدنظمی اورمعاشی تباہی کی طرف چلاجائےگا
— Sheikh Rashid Ahmed (@ShkhRasheed) January 18, 2023
ان کا کہنا تھا کہ حکمران جو مرضی چال چل لیں حالات کی سنگینی ایسی ہے کہ الیکشن کےسوا کوئی چارہ نہیں ہے۔
