سابق وفاقی وزیر شیخ رشید نے کہا ہے کہ ملک الیکشن کے بجائے تشدد کی راہ پر چل پڑا ہے اور اب فیصلے سڑکوں پر ہونگے۔
سماجی رابطے کی ویب سائٹ پر اپنے ایک پیغام میں عوامی مسلم لیگ کے سربراہ نے کہا ہے کہ الیکشن کمیشن کا کام پرچے کروانا نہیں الیکشن کروانا ہے۔
فوادچودھری کی گرفتاری میں الیکشن کمیشن سیاسی فریق بن گیاالیکشن کمیشن کاکام پرچےکروانانہیں الیکشن کرواناہےحکومت کےارادےواضع ہوگئےہیں عوام کوسمجھ جاناچاہیے یہ الیکشن نہیں کچھ اورکرنےجارہےہیںIMFکی شرائط سےپہلےگرفتاریوں کادورشروع ہوگاجس کےبعدجام حکومت کاسڑکوں پرکام تمام ہوجائےگا
— Sheikh Rashid Ahmed (@ShkhRasheed) January 25, 2023
انہوں نے کہا کہ الیکشن کمیشن کے اس اقدام سے حکومت کے ارادے واضع ہوگئے ہیں اور عوام کو بھی سمجھ جانا چاہیے کہ یہ الیکشن نہیں کچھ اور کرنے جارہے ہیں۔
انہوں نے مزید کہا کہ الیکشن کا مطالبہ کرنے والے الیکشن پر جانے کے لیے تیار نہیں ہیں لیکن نیب ترامیم سے فائدہ اٹھانے والےعنقریب قوم کے احتساب کی بھینٹ چڑھیں گے۔
شیخ رشید کا کہنا تھا کہ ملک جام ہے اور حکومت کا کام تمام ہے جبکہ سیاسی، اقتصادی، معاشی اور توانائی کا بحران حکومت کے گلے پڑنے والا ہے ۔
یہ بھی پڑھیں: الیکشن ان 13 جماعتوں کی سیاسی موت ہے، شیخ رشید
ان کا کہنا تھا کہ فواد چوہدری کی گرفتاری میں الیکشن کمیشن سیاسی فریق بن گیا لیکن فواد کی گرفتاری چلتی پر پیڑول کا کام کرے گی۔
انہوں نے بتایا کہ اب ملک الیکشن کے بجائے تشدد کی راہ پر چل پڑا ہے جس کے بعد فیصلے سڑکوں پر ہوں گے ، آئی ایم ایف کی شرائط سے پہلے گرفتاریوں کا دور شروع ہوگا جس کے بعد جام حکومت کا سڑکوں پر کام تمام ہوجائے گا۔
اسکے علاوہ اپنے ایک اور ٹوئٹ میں انہوں نے بتایا کہ 90 دنوں میں 2 صوبائی اسمبلیوں میں الیکشن ہونے جارہے ہیں اور الیکشن کمیشن سیاست دانوں پر پرچے کٹوا رہا ہے جو اس کا کام نہیں ہے۔
90دنوں میں2صوبائی اسمبلیوں میں الیکشن ہونےجارہےہیں اورالیکشن کمیشن سیاست دانوں پرپرچےکٹوارہاہےجو اسکاکام نہیں ہےاوراپنی ساکھ کواتنانہ گرائےکہ قوم کاالیکشن سےاعتباراٹھ جائےFIRپڑھ کراندازہ ہوایہ کیس عدالت میں2نفلوں کی مارہےقوم کوالیکشن کی طرف جانےدیاجائےورنہ قوم سڑکوں پرفیصلہ کرےگی
— Sheikh Rashid Ahmed (@ShkhRasheed) January 25, 2023
انہوں نے کہا کہ اپنی ساکھ کو اتنا نہ گرائے کہ قوم کا الیکشن سے اعتبار اٹھ جائے، قوم کو الیکشن کی طرف جانے دیا جائے ورنہ قوم سڑکوں پر فیصلہ کرے گی۔
