سابق وفاقی وزیر اور پاکستان تحریک انصاف کے رہنما فواد چوہدری کی اہلیہ حبا چوہدری نے کہا ہے کہ حکومت اور پولیس تاخیری حربے استعمال کر رہی ہے۔
تفصیلات کے مطابق فواد چوہدری کی اہلیہ حبا چوہدری نے بول نیوز سے خصوصی گفتگو کرتے ہوئے کہا ہے کہ فواد چوہدری کو جسمانی ریمانڈ پر دوبارہ دینے کی استدعا کی گئی جس کے لئے انہیں 12.30 بجے عدالت میں پیش کیا جائیگا۔
یہ کیس ڈیلے کررہے ہیں،کبھی ایک کورٹ کبھی دوسری کورٹ بھیج رہے ہیں
ہماری لیگل ٹیم اس کو بہت اچھے سے دیکھ رہی ہے
ابھی یہ اطلاع ہے کہ فواد کو عدالت نے 12 بجے طلب کرلیا ہے
فواد چوہدری کی اہلیہ حبا چوہدری کی بول نیوز سے خصوصی گفتگو#BOLNews #FawadChaudhry pic.twitter.com/a3XHhCS0SG— BOL Network (@BOLNETWORK) January 28, 2023
انہوں نے کہا ہے کہ اس کیس کو ڈیلے کیا جارہا ہے جبکہ تمام وکلاء اور تمام فیملی ممبرز یہاں موجود ہے تو میری درخواست ہے کہ اس کیس کا فیصلہ جلد سے جلد کیا جائے ۔
انہوں نے مزید کہا کہ کبھی ایک کورٹ کبھی دوسری کورٹ بھیج رہے ہیں لیکن ہماری لیگل ٹیم اس کو بہت اچھے سے دیکھ رہی ہے ۔
اس موقع پر انہیں نے پی ٹی آئی کے تمام کارکنان سے درخواست کی کہ فواد چوہدری کے استقبال کے لئے ایف 8 کچہری پہنچیں ۔
یہ بھی پڑھیں: فواد کو پہلے اغوا کیا گیا اور پھر ایف آئی آر کاٹی گئی، اہلیہ فواد چوہدری
اس سے قبل اپنے ایک بیان میں فواد چوہدری کی اہلیہ حبا نے کہا کہ میڈیا کی دل سے شکر گزار ہوں، پرویزالہیٰ نے ہم سے فون پر معذرت کرلی ہے۔
حبا چوہدری نے مزید کہا کہ مجھے شدید ذہنی ٹارچر کیا گیا، ہمارے حوصلے بلند ہیں ڈرنے والے نہیں، ہم ادھر ہی ہیں فواد چوہدری کو رہا کروا لیں گے، مخالفین کے لیے میں اکیلی کافی ہوں۔
