چیئر مین پی ٹی آئی عمران خان کا کہنا ہے کہ حکومت نے اسلام آباد میں ٹھیلےاور ڈھابے گرا کر بے حسی کا مظاہرہ کیا ہے۔
تفصیلات کے مطابق چیئرمین پی ٹی آئی عمران خان نے سماجی رابطے کی ویب سائٹ پر اپنے حالیہ پیغام میں کہا ہے کہ حکومت نے اسلام آباد سیکٹرآئی 10 میں ٹھیلے اور ڈھابے گرا کر بے حسی کا مظاہرہ کیا ہے۔
بڑھتی ہوئی مہنگائی اور بیروزگاری کےدوران امپورٹڈسرکار نے اسلام آبادکےI-10 سیکٹر میں ہماری حکومت کیجانب سے
”احساس ریڑھی بان“پروگرام کےتحت فراہم کی گئی ریڑھیاں/سٹالز تباہ کرکےنہایت بےحسی کامظاہرہ کیاہے۔کمزوروں اور غریبوں کو جان بوجھ کر نشانہ بنانا غیرانسانی اور قابلِ مذمت عمل ہے pic.twitter.com/8UhM5OVAQc— Imran Khan (@ImranKhanPTI) February 4, 2023
عمران خان نے اپنی بات جاری رکھتے ہوئے کہا کہ یہ ٹھیلے اور ڈھابے ہمارے دور میں احساس پروگرام کے تحت روزگار کے لیے فراہم کئے گئےتھے۔
انہوں نے مزید کہاکہ مہنگائی اور بے روزگاری ہونےکے باوجود کمزورکو نشانہ بنانا قابل مذمت اور غیر انسانی فعل ہے۔
