سابق وفاقی وزیر و پاکستان تحریک انصاف کے سینئر رہنما حسان خاور نے کہا ہے کہ جن کو قانون کی الف ب نہیں پتا وہ بھی آرٹیکل 254 کی بات کر رہے ہیں۔
سماجی رابطے کی ویب سائٹ ٹوئٹر پر اپنے ایک پیغام میں حسان خاور نے کہا کہ 1973 میں قوم اکٹھی ہوئی، آئین بنایا اور فیصلہ کیا کہ ملک کو اس کی روشنی میں چلانا ہے۔
حسان خاور نے کہا کہ اب اگر نہیں چلانا تو آئین فارغ کرنا پڑے گا لیکن آئین سے چھیڑ چھاڑ کے نتائج سمجھ لیں،اگر آئین لے کر چلنا ہے تو اس طرح کے احمقانہ بہانوں کی گنجائش نہیں، عقل کے ناخن لیں اور الیکشن کی ہمت پکڑیں، اس منطق پر تو کوئی بھی چیز آئین کے مطابق کرنے کی ضرورت نہیں۔
1973 میں قوم اکٹھی ہوئی، آئین بنایا اور فیصلہ کیا کہ ملک کو اس کی روشنی میں چلانا ہے۔اب اگر نہیں چلانا تو آئین فارغ کرنا پڑے گا لیکن آئین سے چھیڑ چھاڑ کے نتائج سمجھ لیں۔اور اگر آئین لے کر چلنا ہے تو اس طرح کے احمقانہ بہانوں کی گنجائش نہیں۔عقل کے ناخن لیں اور الیکشن کی ہمت پکڑیں
— Hasaan Khawar (@hasaankhawar) February 8, 2023
ان کا کہنا تھا کہ بھائی آپ لوگوں کو آرٹیکل254 نہیں آرٹیکل6 پڑھنے کی ضرورت ہے، آئین سے انحراف کریں گے تو سنگین غداری کے مرتکب ہونگے، الیکشن کا سن کر مسلم لیگ ن کی حالت ویسی ہے جیسی نکمے بچوں کی امتحان کو دیکھ کر ہوتی ہے۔
انہوں نے کہا کہ سارا سال محنت نہیں کی اور پرچے دیکھ کر کبھی بخار، کبھی زکام اور کبھی سردرد، ان کی خواہشات پر ملک نہیں چلایا جا سکتا۔
الیکشن کا سن کر مسلم لیگ ن کی حالت ویسی ہے جیسی نکمے بچوں کی امتحان کو دیکھ کر ہوتی ہے۔ سارا سال محنت نہیں کی اور پرچے دیکھ کر کبھی بخار، کبھی زکام اور کبھی سردرد۔ ان کی خواہشات پر ملک نہیں چلایا جاسکتا۔
— Hasaan Khawar (@hasaankhawar) February 8, 2023
