سابق وزیر اعلیٰ پنجاب چودھری پرویز الٰہی نے کہا ہے کہ عدلیہ آئین کی بالادستی کے ساتھ کھڑی ہے۔

 تفصیلات کے مطابق سماجی رابطے کی ویب سائٹ ٹوئٹر پر سابق وزیر اعلیٰ پنجاب چودھری پرویز الٰہی نے اپنے ایک بیان میں کہا کہ عدالتی فیصلے کے بعد الیکشن کی تاریخ میں تاخیر کا کوئی جواز نہیں ہے۔

قوم سب دیکھ رہی ہے کہ پی ڈی ایم الیکشن سے کس طرح خوفزدہ ہے۔ کسی کو آئین پامال کرنے کی اجازت نہیں دی جائے گی۔

— Ch Parvez Elahi (@ChParvezElahi) February 13, 2023

انہوں نے کہا کہ عدلیہ آئین کی بالادستی کے ساتھ کھڑی ہے، آئین شکنی برداشت نہیں ہوگی، الیکشن کمیشن اپنی ذمہ داری پوری کرتے ہوئے فوری شیڈول جاری کرے۔

ان کا کہنا تھا کہ گورنر اور الیکشن کمیشن تاریخ کے معاملے پر فٹ بال کھیلنا بند کرے، کسی کو آئین پامال کرنے کی اجازت نہیں دی جائے گی۔

یہ بھی پڑھیں؛ عمران خان جیسا لیڈر نہیں ملے گا، چوھدری پرویز الٰہی

سابق وزیر اعلیٰ پنجاب چودھری پرویز الٰہی نے مزید کہا کہ قوم سب دیکھ رہی ہے کہ پی ڈی ایم الیکشن سے کس طرح خوفزدہ ہے۔