سیکریٹری خارجہ اسد مجید کی امریکی محکمہ خارجہ کے قونصلر ڈیرک چولیٹ سے ملاقات ہوئی ہے۔
ترجمان دفتر خارجہ کے مطابق سیکریٹری خارجہ ڈاکٹر اسد مجید خان نے وزارت خارجہ میں امریکی محکمہ خارجہ کے قونصلر ڈیرک چولیٹ کا استقبال کیا۔
Foreign Secretary @asadmk17 received @statedept Counselor @derekchollet
– Appreciated recent momentum in bilateral engagement
– Discussed cooperation in trade, energy, security, climate, health and other areas
– Reaffirmed commitment to further deepen 🇵🇰 🇺🇸 ties pic.twitter.com/vrMjoMtvmZ— Ministry of Foreign Affairs – Pakistan (@ForeignOfficePk) February 17, 2023
ترجمان نے بتایا کہ ملاقات میں دفاعی مزاکرات اور واشنگٹن ڈی سی میں ہونے والے تجارتی اور سرمایہ کاری کے فریم ورک ایگریمنٹ (ٹی آئی ایف اے) کونسل کے اجلاس پر اطمینان کا اظہار کیا گیا۔
دفتر خارجہ کے ترجمان کا کہنا تھا کہ سیکریٹری خارجہ اور امریکی محکمہ خارجہ کے قونصلر نے تجارت اور سرمایہ کاری، توانائی، سلامتی، آب و ہوا میں ادارہ جاتی مذاکرات کے ذریعے پائیدار تعاون کی اہمیت پر زور دیا۔
اس کے علاوہ ملاقات کے دوران دونوں نے زراعت، تعلیم، آئی ٹی اور سائنس اور ٹیکنالوجی میں تعاون کو بڑھانے کی ضرورت پر زور دیا۔
ترجمان نے مزید بتایا کہ قونصلر چولیٹ کے ساتھ امریکی ایجنسی برائے بین الاقوامی ترقی کی کونسلر کلنٹن وائٹ، امریکی سفیر ڈونلڈ بلوم اور امریکی محکمہ خارجہ میں جنوبی اور وسطی ایشیائی امور کے بیورو کی پرنسپل اسسٹنٹ سیکریٹری الزبتھ ہورسٹ بھی ہمراہ موجود تھے۔
