جنوبی وزیرستان میں سیکیورٹی فورسز کے آپریشن کے دوران خود کش بمبار نیک رحمان محسود عرف نیکرو ہلاک ہوگیا۔

تفصیلات کے مطابق جنوبی وزیرستان کے علاقے سپنکی میں خفیہ معلومات کی بنیاد پر سیکیورٹی فورسز نے کامیاب آپریشن کیا جس کے دوران خود کش بمبار نیک رحمان محسود عرف نیکرو ہلاک ہو گیا۔

جنوبی وزیرستان میں سیکیورٹی فورسز کا کامیاب آپریشن
براہ راست دیکھیں: https://t.co/7PN6qbA9Hd#BOLNews #SouthWaziristan pic.twitter.com/uGYMSoEKlJ

— BOL Network (@BOLNETWORK) February 17, 2023

خودکش بمبار کی موجودگی کی اطلاع پر سیکیورٹی فورسز نے اس کے ٹھکانے کو گھیرے میں لیا تاہم فائرنگ کے تبادلے میں خودکش جیکٹ پھٹنے سے دہشت گرد ہلاک ہوا۔

ہلاک دہشت گرد لوگر افغانستان سے پاکستان آیا تھا جو ٹی ٹی پی کے اہم کمانڈروں عظمت اللّٰہ عرف لالا اور خیربان عرف خیرو کا قریبی ساتھی تھا اور سیکیورٹی اداروں پر متعدد حملوں میں ملوث تھا۔

سیکیورٹی اداروں کی کامیاب حکمت عملی اور پشتون عوام کی سیکیورٹی اداروں کی مدد سے دہشت گردوں کا صفایا ممکن ہو رہا ہے اور عنقریب ان کا خاتمہ یقینی ہے۔