سابق وفاقی وزیر شیخ رشید نے کہا ہے کہ ن لیگ کو مخالفین کی کیا ضرورت ہے جب ان کے گھر کے بھیدی لنکا ڈھا رہے ہیں۔
سماجی رابطے کی ویب سائٹ پر اپنے ایک پیغام میں شیخ رشید نے کہا کہ پاکستان کی چین سے دوستی ہمالیہ سے بلند ہے، سامراجی طاقتوں کے کہنے اور خیرات کی خاطر چین کی دوستی کو داؤ پر نہیں لگایا جاسکتا ہے۔
سامراجی طاقتوں کےکہنےاورخیرات کی خاطرچین کی دوستی کوداوپرنہیں لگایاجاسکتاپاکستان کی چین سےدوستی ہمالیہ سےبلندہےاسحاق ڈارکےIMFکوغلط اعدادوشماردینےپرمشرف کی حکومت نےجرمانہ اداکیا مریم نوازپہلےاپنےشوہرکوآن بورڈکرےپھرورکروں سےخطاب کرےن کےگھرکےبھیدی لنکاڈھارہےہیں مخالفوں کی ضروت نہیں
— Sheikh Rashid Ahmed (@ShkhRasheed) February 18, 2023
انہوں نے کہا کہ 380 ارب روپے بجلی چوری بھی غریبوں کے بجلی کے بلوں میں ڈال دی گئی ہے اور گنیزبک کا ریکارڈ توڑنے والی 88 وزراء کی کابینہ کسی کو جواب دہ نہیں ہے۔
انہوں نے مزید کہا کہ اس وقت صرف صدر اور سپریم کورٹ ملک کی ڈوبتی کشتی بچا سکتے ہیں۔
شیخ رشید نے بتایا ہے کہ مریم کہتی ہیں کہ یہ میری حکومت نہیں پھر بتائیں کہ یہ حکومت کس کی ہے اور اسے کون لایا ہے۔
ان کا کہنا تھا کہ مریم نواز پہلے اپنے شوہر کو آن بورڈ کرے پھر ورکروں سے خطاب کرے ن کے گھر کے بھیدی لنکا ڈھا رہے ہیں مخالفوں کی ضروت نہیں۔
اپنے ایک اور ٹوئٹ میں انہوں نے کہا کہ میرا ٹوئٹ میرا جرم بن گیا ہے۔
یہ بھی پڑھیں: شیخ رشید پر فرد جرم عائد کرنے کی تاریخ مقرر
انہوں نے بتایا کہ میں نے آج عمرشبیر مجسٹریٹ اسلام آباد کی عدالت میں درخواست دی کہ ایس ایچ او اشفاق وڑائچ آئی او عاشق حسین تھانہ آبپارہ نے میرے گھر میں ڈکیتی کی۔
عنقریب SHO آبپارہ اشفاق وڑائچ کا سارا کچھا چٹھا بھی ثبوتوں کے ساتھ سیشن کورٹ میں پیش کیا جائے گا اس کے سارے کالے کرتوت جو پولیس کی بدنامی کا باعث بن رہے ہیں عدالت کے روبرو پیش کیے جائیں گے اور عوام کے سامنےاس کا حقیقی چہرہ بے نقاب کیاجائے گا
— Sheikh Rashid Ahmed (@ShkhRasheed) February 18, 2023
ان کا کہنا تھا کہ گرفتاری پر میری گھڑیاں، میرا اسلحہ، میرے پیسے اور 3 موبائل فون اپنے ہمراہ لے گئے دونوں افسروں کو خصوصی طور پر میرے خلاف جھوٹے مقدمات کے لیے آبپارہ تھانے رانا ثنا اللہ نے لگایا۔
اس موقع پر انہوں نے ایک ویڈیو شیئر کی اور کہا کہ یہ ویڈیو بھی میں نے عدالت میں پیش کی جس میں کرپٹ ائی او عاشق آبپارہ تھانے میں رشوت لیتے ہوے دیکھا جاسکتا ہے،مجسٹریٹ نے ایڈنشل سیشن جج کو درخواست دینے کا کہا جہاں پر میں دونوں افسروں ا شفاق اور عاشق کا سارا چٹھا کھٹا کھولوں گا۔
یہ ویڈیو بھی میں نے عدالت میں پیش کی جس میں کرپٹ IO عاشق آبپارہ تھانے میں رشوت لیتے ہوے دیکھا جاسکتا ہے مجسٹریٹ نے ایڈنشل سیشن جج کو درخواست دینے کا کہا جہاں پر میں دونوں افسروں ا شفاق اور عاشق کا سارا چٹھا کھٹا کھولوں گا pic.twitter.com/VjWyFVCC91
— Sheikh Rashid Ahmed (@ShkhRasheed) February 18, 2023
اپنے ایک دوسری پیغام میں شیک رشید کا کہنا تھا کہ وہ آج دوپہر ساڑھے تین بجےلاہور زمان پارک میں پاکستان تحریک انصاف کے چیئرمین عمران خان سے ملاقات کریں گے اور اہم ملکی سیاسی امور پر تبادلہ خیال کریں گےاور لاہور میں اتوار کو2بجکر5منٹ پراہم پریس کانفرنس کریں گے۔
