سابق وفاقی وزیر داخلہ شیخ رشید احمد نے کہا ہے کہ چیئرمین نیب کا استعفیٰ 85 رکنی کابینہ کے منہ پر طمانچہ ہے۔

سماجی رابطے کی ویب سائٹ ٹوئٹر پر اپنے ایک پیغام میں شیخ رشید احمد نے کہا کہ استعفیٰ دینے کی دیر تھی کہ نیب کے طلبی نوٹس کا جمعہ بازار لگ گیا، صدر نے 9 اپریل الیکشن کی تاریخ دے کر حکومت کی بنیادیں ہلا دی ہیں۔

شیخ رشید نے کہا کہ لطیف کھوسہ اور سلمان راجہ بھی کہتے ہیں صدر کا فیصلہ آئینی ہے، امید ہےعدلیہ صدر کے فیصلےکو آئینی اور قانونی قرار دے گی۔

چیرمین نیب کااستعفی 85 رکنی کابینہ کےمنہ پر طمانچہ ہےاستعفی دینے کی دیر تھی کہ نیب کےطلبی نوٹس کاجمعہ بازارلگ گیاہےصدرنے9اپریل الیکشن کی تاریخ دےکرحکومت کی بنیادیں ہلا دی ہیں۔لطیف کھوسہ اورسلمان راجہ بھی کہتےہیں صدرکافیصلہ آئینی ہےامیدہےعدلیہ صدر کےفیصلےکوآئینی اورقانونی قراردےگی

— Sheikh Rashid Ahmed (@ShkhRasheed) February 22, 2023

ان کا کہنا تھا کہ پاکستان آئی ایم ایف کا پانچواں اور ایشیاء کا پہلا مقروض ترین ملک ہے، 75 سالوں میں وزیر خا رجاوں نے جتنے دورے کیے بلاول نے اکیلے کیے ہیں اور موج میلے منا رہا ہے، وزیر پیٹرولیم آذربائیجان میں ادھار تیل اور ایل این جی کے لیے دھکے کھا رہا ہے۔

انہوں نے کہا کہ آٹا گھی نایاب اور حکومت نیب افسروں کی تبدیلیوں میں لگی ہوئی ہے، آج جیل بھرو تحریک کا آغاز ہو گا، آبپارہ پولیس نے پنجاب کے علاقے میں میرے گھر میں ڈکیتی کی اور میرا سامان چوری کیا اور پرچہ بھی مجھ پر دے دیا۔

پاکستانIMFکاپانچواں اورایشیاء کاپہلامقروض ترین ملک ہے75سالوں میں وزیرخارجاوں نےجتنے دورےکیےبلاول نےاکیلےکیےہیں اورموج میلےمنارہاہے۔وزیرپیٹرولیم آذربائیجان میں ادھارتیل اورLNGکےلیےدھکےکھارہاہے۔آٹاگھی نایاب اورحکومت نیب افسروں کی تبدیلیوں میں لگی ہوئی ہےآج جیل بھروتحریک کا آغازہوگا

— Sheikh Rashid Ahmed (@ShkhRasheed) February 22, 2023

شیخ رشید نے کہا کہ اپنی وردی بھی خود ہی پھاڑی، عدالت میں ویڈیو کے ساتھ آبپارہ پولیس اور اس کے پیچھے چھپے چہرے کو بےنقاب کر کے پوسٹمارٹم کرونگا، کل مری تاریخ پر بھی پیش ہونگا اورمیڈیا ٹاک بھی کروں گا۔

آبپارہ پولیس نے پنجاب کے علاقے میں میرے گھر میں ڈکیتی کی اور میرا سامان چوری کیا اور پرچہ بھی مجھ پردےدیا اپنی وردی بھی خود ہی پھاڑی۔عدالت میں ویڈیو کےساتھ آبپارہ پولیس اور اسکے پیچھے چھپے چہرے کو بےنقاب کرکے پوسٹمارٹم کرونگا۔کل مری تاریخ پر بھی پیش ہونگا اورمیڈیا ٹاک بھی کروں گا

— Sheikh Rashid Ahmed (@ShkhRasheed) February 22, 2023