فریال تالپور نے کہا ہے کہ بلوچستان کی ترقی پاکستان پیپلز پارٹی کی اولین ترجیحات میں شامل ہے۔
تفصیلات کے مطابق پی پی پی شعبہ خواتین کی مرکزی صدر و ایم پی اے فریال تالپور سے پارٹی رہنما و سابق وزیراعلیٰ بلوچستان نواب ثناء اللہ زہری کی ملاقات ہوئی جس میں بلوچستان کی سیاسی صورتحال اور تنظیمی امور پر تبادلہ خیال کیا گیا۔
ملاقات کے دوران بلوچستان کی سیاسی صورتحال اور تنظیمی امور پر تبادلہ خیال کیا گیا
بلوچستان کی ترقی پاکستان پیپلز پارٹی کی اولین ترجیحات میں شامل ہے: فریال تالپور
صدر آصف علی زرداری نے اپنے دورِ صدارت میں آغاز حقوقِ بلوچستان پیکیج جیسا تاریخی اقدام اٹھایا: فریال تالپور
— PPP (@MediaCellPPP) February 23, 2023
اس موقع پر فریال تالپور نے کہا کہ بلوچستان کی ترقی پاکستان پیپلز پارٹی کی اولین ترجیحات میں شامل ہے، صدر آصف علی زرداری نے اپنے دورِ صدارت میں آغاز حقوقِ بلوچستان پیکیج جیسا تاریخی اقدام اٹھایا۔
پی پی پی شعبہ خواتین کی مرکزی صدر و ایم پی اے فریال تالپور نے مزید کہا کہ چیئرمین بلاول بھٹو زرداری نے بلوچستان سمیت پورے ملک کے غریب عوام کی خوشحالی کے لیے سرگرم عمل ہیں۔
زرداری ہاؤس کراچی میں ہونے والی ملاقات میں میر فیصل زہری اور حاجی صلاح الدین زہری بھی موجود تھے۔
