صبائی وزیر سندھ شرجیل انعام میمن نے کہا ہے کہ پوری قوم جیل بھرو تحریک کی کامیابی کے لئے دعاگو ہے۔
سماجی رابطے کی ویب سائٹ پر اپنے ایک پیغام میں وزیر اطلاعات سندھ شرجیل انعام میمن نے پی ٹی آئی کی جیل بھرو تحریک کے لئے اہم پیغام جاری کیا ہے۔
جیل بھرو تحریک کی کامیابی کے لۓ پوری قوم دعاگو ہے۔ افسوس تحریک کا اعلان کرنے والوں کی ٹانگیں کانپ رہیں ہیں۔ تحریک انصاف سندہ میں بھرپور طریقے سے اس تحریک کو کامیاب کرے ہم ان کی بھرپور مدد کے لۓ تیار ہیں۔ فری پک اینڈ ڈراپ سروس بھی مہیا کر سکتیں ہیں پی ٹی آئ صرف نام لکھواۓ۔
— Sharjeel Inam Memon (@sharjeelinam) February 25, 2023
انہوں نے کہا ہے کہ تحریک انصاف سندھ میں بھرپور طریقے سے اس تحریک کو کامیاب کرے اور ہم ان کی بھرپور مدد کے لئے تیار ہیں ،فری پک اینڈ ڈراپ سروس بھی مہیا کر سکتیں ہیں پی ٹی آئی صرف نام لکھوائے۔
انہوں نے مزید کہا کہ جیل بھرو تحریک کی کامیابی کے لیے پوری قوم دعاگو ہے لیکن افسوس تحریک کا اعلان کرنے والوں کی ٹانگیں کانپ رہی ہیں۔
جیل بھرو تحریک کی کامیابی کے لیے پوری قوم دعاگو ہے
افسوس تحریک کا اعلان کرنے والوں کی ٹانگیں کانپ رہی ہیں
تحریک انصاف سندھ میں بھرپور طریقے سے اس تحریک کو کامیاب کرے، شرجیل انعام میمن#BOLNews #SharjeelInamMemon pic.twitter.com/zWpMT1hUz1— BOL Network (@BOLNETWORK) February 25, 2023
اس سے قبل صوبائی وزیر شرجیل انعام میمن نے پی ٹی آئی کی جیل بھرو تحریک سے متعلق اپنے جاری کردہ بیان میں کہا کہ عمران خان کی نام نہاد جیل بھرو تحریک کا تماشا آج پشاور میں لگنے جا رہا ہے۔
یہ بھی پڑھیں: جیل بھرو تحریک: کپتان کی کال پر آج ملتان سے گرفتاریاں دی جائینگی
انہوں نے کہا کہ عمران خان نے توشہ خانہ گرفتاری سے بچنے کے لیے جیل بھرو تحریک کا شوشہ چھوڑا ہے۔
عمران خان کو چاہیے کہ تھیٹر کمپنی کھول لیں
شرجیل میمن نے کہا کہ نوٹنکی باز عمران خان کو چاہیے کہ تھیٹر کمپنی کھول لیں، سڑکوں اور شاہراہوں کے بجائے تھیٹر ہال میں نوٹنکی لگائے اور اپنی بھٹکتی روح کی تسکین پائے۔
انکا کہنا ہے کہ سڑکوں کی بندش سے شہریوں اور بالخصوص مریضوں کو شدید پریشانی کا سامنا کرنا پڑتا ہے، عمران خان کے روز روز کے تماشوں سے میڈیا، انتظامیہ اور قوم کا وقت ضائع ہو رہا ہے۔
عمران خان سڑکوں پر سرکس لگائے ہوئے ہیں
انہوں نے کہا کہ عوام کے اصل مسائل کے حل کے لئے جمہوری قوتوں کے ساتھ ملکر کام کرنے کے بجائے عمران خان سڑکوں پر سرکس لگائے ہوئے ہیں۔
