سابق وفاقی وزیر و پی ٹی آئی کے سینئر رہنما شیخ رشید نے کہا ہے کہ آئی ایم ایف کے ایگزیکٹو بورڈ میں پاکستان کا کیس ایجنڈے پر ہی نہیں۔
سماجی رابطے کی ویب سائٹ ٹوئٹر پر اپنے ایک پیغام میں شیخ رشید نے کہا کہ آئی ایم ایف کے ایگزیکٹو بورڈ میں پاکستان کا کیس ایجنڈے پر شامل ہی نہیں، سیاست دان ویڈیو آڈیو میں پھنسے ہوئے ہیں۔
شیخ رشید نے کہا کہ 90 روزہ نگران وزیر اعلیٰ 9 سالہ ترقیاتی کاموں کا افتتاح کر رہے ہیں، بجلی پرساڑھے 3 روپے فی یونٹ اضافی سرچارج لگا دیا ہے۔
ان کا کہنا تھا کہ الیکشن سے بھاگنے کی کوششں کی گئی تو نظریہ ضرورت جنم پائے گا، الیکشن میں ہی ملک کی بقاء ہے، صدر نے تو انتخابات کی 30 اپریل کی تاریخ دے دی ہے، پی ڈی ایم کی مشاورات کا فیصلہ ابھی سامنے نہیں آیا۔
آئی ایم ایف کےایگزیکٹوبورڈ میں پاکستان کاکیس ایجنڈےپرنہیں ہےسیاست دان وڈیوآڈیومیں پھنسےہوئےہیں90روزہ نگران وزیراعلیٰ9سالہ ترقیاتی کاموں کاافتتاح کررہےہیں بجلی پرساڑھے3روپےفی یونٹ اضافی سرچارج لگادیاہےالیکشن سےبھاگنےکی کوششں کی گی تونظریہ ضروت جنم پائےگاالیکشن میں ہی ملک کی بقاءہے
— Sheikh Rashid Ahmed (@ShkhRasheed) March 4, 2023
انہوں نے کہا کہ غریب حاجیوں کے لیے بھی خزانہ خالی ہے اب ڈالر والے حج کر سکیں گے، چین نے مشکل کے وقت پاکستان سے دوستی کا حق ادا کیا ہے، پھربھی حکمران سمراج کے غلام بنے ہوئے ہیں۔
شیخ رشید نے کہا کہ 30 اپریل کو الیکشن ہوتے ہیں یا ابھی عشق کے امتحان اور بھی ہیں۔
صدرنےتوانتخابات کی30اپریل کی تاریخ دےدی PDMکی مشاورات کافیصلہ ابھی سامنےنہیں آیاغریب حاجیوں کےلیےبھی خزانہ خالی ہے اب ڈالروالےحج کرسکیں گےچین نےمشکل کےوقت پاکستان سےدوستی کاحق اداکیاہےپھربھی حکمران سمراج کےغلام بنےہوئےہیں30اپریل کوالیکشن ہوتےہیں یاابھی عشق کے امتحان اوربھی ہیں
— Sheikh Rashid Ahmed (@ShkhRasheed) March 4, 2023
