سابق وزیراعظم عمران خان کی ممکنہ گرفتاری کے پیش نظر پاکستان تحریک انصاف (پی ٹی آئی) کی جانب سے ملک گیر احتجاج کا اعلان کردیا گیا ہے۔
پاکستان تحریک انصاف کے سینئر رہنما فواد چوہدری نے لاہور میں میڈیا سے گفتگو کرتے ہوئے کہا کہ حد سے آگے بڑھے تو ملک بھر میں احتجاج کی کال دیں گے۔
انہوں نے کہا کہ حکومت عمران خان پر قاتلانہ حملہ کروانا چاہتی ہے، یہ چاہتے ہیں عمران خان پر عدالت پیشی کے دوران حملہ ہو۔
توشہ خانہ کیس میں پولیس عمران خان کو گرفتار کرنا چاہتی ہے
عمران خان پر 74 مقدمات درج ہیں
حکومت الیکشن ملتوی کرنا چاہتی ہے۔
پی ٹی آئی رہنما فواد چوہدری کی میڈیا سے گفتگو
براہ راست دیکھیں: https://t.co/7PN6qbA9Hd#BOLNews #ImranKhan pic.twitter.com/KGMjLCS5tq— BOL Network (@BOLNETWORK) March 5, 2023
سابق وفاقی وزیر نے کہا کہ عمران خان اقتدار میں آکر ان کی چوری کا احتساب کریں گے، حکومت پی ٹی آئی کارکنوں کو مشتعل کرنا چاہتی ہے۔
فواد چوہدری نے کہا کہ عمران خان پر 74مقدمات درج ہیں، کسی شخص پر 74مقدمات میں پیش ہونا ممکن نہیں۔
انہوں نے کہا کہ فسادات کروا کر انتخابات ملتوی کرنا چاہتے ہیں، ملک میں امن وامان کا مسئلہ پیدا کیا جارہا ہے۔
پی ٹی آئی رہنما نے کہا کہ فسطائی حکومت نے سیاست کے بعد معیشت کو ڈبو دیا، حکومت اب آئین کو ڈبونے کی کوشش کررہی ہے۔
فواد چوہدری نے مزید کہا کہ اسلام آباد پولیس زمان پارک آئی، پولیس توشہ خانہ کیس میں گرفتار کرنا چاہتی ہے۔
شاہ محمود قریشی کی گفتگو
اس موقع پر پی ٹی آئی کے وائس چیئرمین شاہ محمود قریشی نے بھی میڈیا سے گفتگو کرتے ہوئے کہا کہ وکلاء سے مشاورت کے بعد لائحہ عمل کا اعلان کرینگے، عمران خان عدالتوں میں پیش ہوتے رہے۔
تحریک انصاف کا ملک گیر احتجاج کا اعلان
کارکن حوصلہ رکھیں، نوٹس وصول کر لیا ہے
وکلاء سے مشاورت کے بعد لائحہ عمل کا اعلان کریں گے
پی ٹی آئی رہنما شاہ محمود قریشی کی میڈیا سے گفتگو#BOLNews #ImranKhan pic.twitter.com/bhc8QHeG6r— BOL Network (@BOLNETWORK) March 5, 2023
انہوں نے کہا کہ نوٹس میں گرفتاری کا کوئی ذکر نہیں، کارکن حوصلہ رکھیں، نوٹس وصول کرلیا ہے، پولیس جو نوٹس لائی اس میں گرفتاری کی کوئی بات نہیں، عمران خان کو نوٹس توشہ خانہ کیس میں وصول کروایا گیا۔
شاہ محمود نے مزید کہا کہ عمران خان نے کل خطاب میں قومی یکجہتی کی بات کی، ان کی جان کوخطرہ ہے، عمران خان پر ایک اور قاتلانہ حملے کا پلان بنایا گیا ہے، عمران خان نے کہا خود پر حملہ کرنے والوں کو معاف کرنے کے لیے تیار ہوں، گھبرانے کی نہیں محتاط رہنے کی ضرورت ہے۔
