پاکستان تحریک انصاف نے کل دوبارہ ریلی نکالنے کا اعلان کیا ہے۔

کل 13 مارچ بروز پیر دوپہر 2 بجے زمان پارک سے ریلی نکالی جائے گی جس کا شیڈول بھی جاری کردیا گیا ہے۔

ریلی زمان پارک سے داتا دربار تک جائے گی اور ریلی کی قیادت چیئرمین تحریک انصاف عمران خان کریں گے۔

ریلی زمان پارک سے علامہ اقبال روڈ ریلوے اسٹیشن اور داتا دربار پہنچے گی۔

سابق وزیر اعظم عمران خان نے تحریک انصاف کی انتخابی ریلی کل تک  ملتوی کرنے کا اعلان کردیا ہے۔

سماجی رابطے کی ویب سائٹ ٹوئٹر پر اپنے جاری کردہ بیان میں  عمران خان نے کہا کہ ایسا لگتا ہے دفعہ 144 صرف پی ٹی آئی پر لگائی گئی، لاہور میں دیگر جماعتوں کی تمام سرگرمیاں جاری ہیں۔

It seems again Sec 144 has been imposed illegally solely on PTI election campaign as all other public activities are ongoing in Lahore. Only Zaman Park has been surrounded by containers & heavy police contingent. Clearly, like 8 March, Punjab CM & police want to provoke clashes

— Imran Khan (@ImranKhanPTI) March 12, 2023

چیئرمین پی ٹی آئی نے کہا کہ کارکنان سے درخواست ہے اس جال میں نہ پھنسیں، زمان پارک کو کنٹینرز، پولیس کی بھاری نفری نے گھیر لیا۔

عمران خان نے کہا کہ یہ 8 مارچ کی طرح عوام اور پولیس میں تصادم کو ہوا دینا چاہتے ہیں۔ پی ٹی آئی رہنماؤں، کارکنوں کیخلاف جعلی مقدمات درج ہورہے ہیں۔

سابق وزیر اعظم نے مزید کہا کہ انتخابات ملتوی کرنے کے بہانے ڈھونڈ رہے ہیں، الیکشن شیڈول کے بعد دفعہ 144کیسے لگ سکتی ہے؟