اسلام آباد: صدر مملکت ڈاکٹر عارف علوی نے قومی اقتصادی کونسل کی تشکیل نو کی منظوری دے دی۔
تفصیلات کے مطابق قومی اقتصادی کونسل کی تشکیل ِنو پنجاب اور خیبر پختونخوا میں نئی حکومتوں کے قیام کے باعث کی گئی۔
پنجاب سے ایس ایم تنویر، وزیر توانائی، صنعت، تجارت، سرمایہ کاری اور ہنر سازی، بطور ممبر قومی اقتصادی کونسل تعینات کیا گیا ہے۔
یہ بھی پڑھیں: صدر مملکت نے منی بجٹ 2023 کی منظوری دے دی
اس کے علاوہ خیبر پختونخوا سے حمایت اللہ خان، مشیر خزانہ اور توانائی، بطور قومی اقتصادی کونسل تعینات کیا گیا ہے۔
صدر مملکت نے تشکیل نو کی منظوری آئین کے آرٹیکل 156 ایک کے تحت وزیر اعظم کی ایڈوائس پر دی۔
