سابق وزیراعظم اور چیئرمین پی ٹی آئی عمران خان نے کہا ہے کہ اس ملک میں فاشزم اور جنگل کا قانون رائج ہے۔
سماجی رابطے کی ویب سائٹ پر اپنے ایک پیغام میں پاکستان تحریک انصاف کے چیئرمین عمران خان نے حسان نیازی اور صدیق جان کی گرفتاری کی شدید مذمت کی ہے۔
Strongly condemn the custodial torture that is being done on our workers & ldrs including Amjad Niazi, & now, from what I have learnt, on Hassaan Niazi who was first abducted, immed after he got bail, & then named falsely in another FIR. Shameful fascism & law of the jungle.
— Imran Khan (@ImranKhanPTI) March 22, 2023
انہوں نے اپنے پیغام میں امجد نیازی سمیت تمام پی ٹی آئی کارکنان اور لیڈروں پر جو حراستی تشدد کیا جا رہا ہے اس کی پرزور مذمت کی اور کہا کہ اس ملک میں شرمناک فاشزم اور جنگل کا قانون ہے ۔
انہوں نے مزید کہا کہ ضمانت ملنے کے بعد حسان نیازی کوپہلے اغوا کیا گیا اور اور پھر ایک اور ایف آئی آر میں جھوٹا نام ڈالا گیا۔
ایک اور پیغام میں ان کا کہنا تھا کہ ہمارے کارکنان اور قائدین کو اغواء اور گرفتار کرنے سمیت تشدد کا نشانہ بنایا جارہا ہے جبکہ ان کے گھروں پر بغیر وارنٹس چھاپے مارے جارہے ہیں۔
عمران خان نے کہا کہ اسلام آباد میں آج مراد سعید کی رہائشگاہ پر اس وقت چھاپہ مارا گیا جب وہ گھر پر موجود نہیں تھے۔
Our workers & ldrs are being abducted, arrested & tortured while their homes are raided without any warrants. Today Murad Saeed’s home in Islamabad was raided when he was not there. I demand to know under what law this is being done? It is pure fascism by cabal of crooks in power
— Imran Khan (@ImranKhanPTI) March 21, 2023
انہوں نے مزید کہا کہ اقتدار پر قابض مجرموں کے ٹولے کی جانب سے یہ فسطائیت کا اظہار ہے اور اگر ان کا خیال ہے کہ ہمیں دھمکا لیں گے تو یہ لوگ بڑی غلط فہمی کا شکار ہیں، یہ فسطائی ہتھکنڈے محض ہمیں حقیقی آزادی اور قانون کی حکمرانی کی اپنی جدوجہد کو مزید عزم و استقامت سے آگے بڑھانے کی قوت ہی بخشیں گے۔
