حکومتی مدت ختم ہونے سے قبل اہم قانون سازی کی تیاری کر لی گئی ہے۔
ذرائع کے مطابق دینی مدارس کی رجسٹریشن اور ریگولیشن کیلئے قانون کا مسودہ تیار کرلیا گیا ہے، مجوزہ قانون کے تحت کوئی دینی مدرسہ قانونی تقاضے پورے کیے بغیر آپریٹ نہیں کرسکے گا۔
ذرائع نے بتایا کہ وزیر اعظم نے قانونی مسودے کی منظوری وفاقی کابینہ سے لینے کی اجازت دیدی، تاہم وزارت داخلہ نے ترمیمی بل 2023 منظوری کیلئے کابینہ کو بھجوا دیا ہے، وفاقی کابینہ کی منظوری کے بعد بل پارلیمنٹ میں پیش کیا جائے گا۔
حکومتی ذرائع کا کہنا ہے کہ پاکستان کا نام گرے لسٹ سے نکلنے کے بعد کے تناظر میں مجوزہ قانون سازی اہم ہے، پاکستان نے ایف اے ٹی ایف ایکشن پلان کے تحت ٹھوس اقدامات کیے۔
ذرائع نے مزید بتایا کہ ملک میں رجسٹریشن اور ریگولیشن سے متعلق پرانے قوانین منسوخ کر کے نئے بنائے گئے، تمام غیر حکومتی اور رضاکارانہ تنظیموں کے قوانین منسوخ کرکے نئے بنائے گئے جبکہ خیراتی اداروں، ٹرسٹس اور وفاق کے قوانین بھی منسوخ کرکے نئے بنائے گئے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
