13 جماعتی حکومت کا آج آخری دن ہے، وزیر اعظم شہباز شریف قومی اسمبلی تحلیل کرنے کی سمری صدر مملکت ڈاکٹر عارف علوی کو آج بھیجیں گے۔
اس حوالے سے وزیر اعظم شہباز شریف نے اپنے جاری کردہ ایک بیان میں بتایا کہ قانون کے مطابق اگر صدر عارف علوی نے 48 گھنٹے میں سمری نہیں اٹھائی تو اس پر عملدرآمد ہو گا اور اسمبلی تحلیل ہو جائے گی۔
13 جماعتی حکومت کا آج آخری دن
شہباز شریف قومی اسمبلی تحلیل کرنے کی سمری صدر کو آج بھیجیں گے
براہ راست دیکھیں:https://t.co/WomWlCmUIR#BOLNews #PDM pic.twitter.com/6bMdDUYsqX— BOL Network (@BOLNETWORK) August 9, 2023
نگران سیٹ اپ کے حوالے سے وزیر اعظم نے کہا کہ اتحادی جماعتوں سے مشاورت جاری ہے تاکہ غیر جانبدار عبوری وزیراعظم پر اتفاق کیا جائے جو عوام کو قابل قبول ہو۔
انہوں نے کہا کہ فیصلہ اجتماعی ہوگا اور ناموں کو حتمی شکل دینے کے بعد وہ پہلی ملاقات اپوزیشن لیڈر راجہ ریاض سے کریں گے۔
شہباز شریف نے کہا کہ تمام سیاسی جماعتیں متفقہ طور پر جلد از جلد انتخابات چاہتی ہیں اور اس وقت انتخابات میں تاخیر محض ایک مفروضہ ہے۔
وزیر اعظم نے تمام قومی اداروں پر زور دیا کہ وہ اپنی آئینی حدود کا خیال رکھتے ہوئے ایک دوسرے کے ساتھ تعاون کریں۔
خیال رہے کہ قومی اسمبلی کا آج آخری روز ہے، تاہم قومی اسمبلی کا اجلاس آج 2 بجے اور مشترکہ اجلاس ساڑھے 5 بجے ہوگا۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
