کندھ کوٹ میں راکٹ لانچر کا گولہ گھر میں پھٹنے سے بچوں اور خاتون سمیت 8 افراد جاں بحق ہو گئے۔
تفصیلات کے مطابق کندھ کوٹ میں کچے کے علاقے گھوڑا گھاٹ تھانہ کی حدود گاؤں بگی سبزوئی میں نامعلوم سمت سے فائر ہونے والا راکٹ لانچر میں دھماکا ہوگیا جس کے نتیجے میں 8 افراد جاں بحق اور متعدد زخمی ہوگئے۔
جاں بحق افراد کی شناخت ایاز سبزوئی، نیاز، حنیفاں، راشد کے نام سے ہوئی جن میں 3 بچے اور ایک عورت بھی شامل ہے۔
راکٹ گھر میں پھٹنے سے متعدد افراد زخمی، اسپتال منتقل
کندھ کوٹ میں نامعلوم سمت سے راکٹ فائر ، 7 افراد جاں بحق
براہ راست دیکھیں:https://t.co/kGi5LWBrA5#BOLNews #Sindh pic.twitter.com/u1FsdHTMEA— BOL Network (@BOLNETWORK) September 27, 2023
لاشوں اور زخمیوں کو سول اسپتال منتقل کردیا گیا ہے جبکہ کچے کا علاقہ ہونے کے باعث شدید دشواریوں کا سامنا کرنا پڑ رہا ہے۔
اس حوالے سے ایس ایس پی کشمور روحیل کھوسو نے بتایا ہے کہ راکٹ گھر میں پڑا ہوا تھا بچوں نے اٹھا کر چولہے میں ڈال دیا جس کے باعث دھماکہ ہوگیا۔ پولیس نے گاؤں کا محاصرہ کرلیا ہے سرچ آپریشن جاری ہے۔
رپورٹ طلب
نگران وزیراعلیٰ سندھ جسٹس (ر) مقبول باقر نے کندھ کوٹ میں راکٹ لانچر واقعے پر نوٹس لیتے ہوئے آئی جی پولیس سے رپورٹ طلب کرلی۔
مقبول باقر نے آئی جی پولیس سے سوال کیا کہ راکٹ لانچر زنگی سبزوئی گوٹھ میں کیسے پہنچا، کیا کوئی اسلحہ کی کھیپ کچے میں اسمگل ہو رہی تھی؟ کیا گوٹھ میں ڈکیتوں کے سہولت کار موجود ہیں؟
نگران وزیراعلیٰ سندھ نے مزید کہا کہ راکٹ لانچر کیسے بلاسٹ ہوئے جس سے اتنا جانی نقصان ہوا، مجھے تفصیلی رپورٹ دی جائے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔
