پاکستان انٹرنیشنل ایئرلائنز (پی آئی اے) کا  آپریشن ایندھن کی فراہمی بہتر ہونے سے بحالی کی طرف گامزن ہے۔

تفصیلات کے مطابق آج پی آئی اے نے 45 پروازوں کو شیڈول کیا ہوا ہے۔

پی آئی اے آج کراچی، لاہور، اسلام آباد، گلگت اور اسکردو کی پروازیں چلائے گا جبکہ بین الاقوامی پروازوں میں آج جدہ، مدینہ، بحرین، دبئی، کوالالمپور وغیرہ کی پروازیں آپریٹ ہوں گی۔

ادارے کا اندرون ملک آپریشن بھی بحال ہونا شروع ہو گیا ہے۔

چند دن میں ایندھن کی صورت حال میں مزید بہتری کے باعث آپریشن معمول پر آنا متوقع ہے۔

پی آئی اے کو ایک سال میں کتنا خسارہ ہوا؟ آڈٹ رپورٹ سامنے آگئی

پاکستان انٹرنیشنل ایئرلائن (پی آئی اے) کی آڈٹ رپورٹ کے مطابق 2021 میں انٹرنیشنل اور ڈومیسٹک 23 ہزار 636 پروازیں شیڈول تھیں۔ 4 ہزار 305 پروازیں منسوخ ہونے سے قومی ایئرلائن کو 19 ارب 37 کروڑ روپے سے زائد کا خسارہ ہوا۔

آڈٹ رپورٹ میں بتایا گیا ہے کہ پی آئی اے کی جنوری میں 260 اور فروری میں 273 پروازیں منسوخ ہوئیں۔ مارچ میں 274، اپریل میں 343 اور مئی میں 538 فلائٹس کینسل ہوئیں۔

جون کی بات کی جائے تو 496، جولائی میں 420 اور اگست میں سب سے زیادہ 603 پروازوں کو منسوخ کیا گیا۔ ستمبر میں 316، اکتوبر 375، نومبر میں 201 اور دسمبر میں منسوخ پروازوں کی تعداد 206 رہی۔

پی آئی اے کی جانب سے پلاننگ کے فقدان کے باعث 18 فیصد پروازیں منسوخ ہوئیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں