صدر مسلم لیگ ن اور سابق وزیراعظم شہباز شریف نے کہا ہے کہ پاکستان کے قیام اور ترقی میں اقلیتوں کا ناقابلِ فراموش کردار ہے۔
تفصیلات کے مطابق سماجی رابطے کی ویب سائٹ ایکس (ٹوئٹر) پر شہباز شریف نے ہندو برادری کو دیوالی کے تہوار کی مبارک پیش کرتے ہوئے کہا کہ دیوالی کا بنیادی پیغام برائی پر اچھائی کی فتح ہے۔
ہندو برادری کو دیوالی کے تہوار کی خوشیاں مبارک ہوں۔ دیوالی کا بنیادی پیغام برائی پر اچھائی کی فتح ہے۔ ہم سب کو مل کر معاشرے اور دنیا سے برائی کے خاتمے اور اچھائی کے فروغ کے لئے کام کرنا ہوگا۔ پاکستان کے قیام اور ترقی میں اقلیتوں کا ناقابل فراموش کردار ہے۔ بابائے قوم قائد اعظم…
— Shehbaz Sharif (@CMShehbaz) November 12, 2023
انہوں نے کہا کہ ہم سب کو مل کر معاشرے اور دنیا سے برائی کے خاتمے اور اچھائی کے فروغ کیلئے کام کرنا ہوگا، پاکستان کے قیام اور ترقی میں اقلیتوں کا ناقابلِ فراموش کردار ہے۔
ان کا کہنا تھا کہ بابائے قوم قائداعظم محمد علی جناحؒ کے فرمودات کی روشنی میں اقلیتوں کے حقوق کے تحفظ اور فروغ کے عہد کی تجدید کرتے ہیں۔
واضح رہے کہ پاکستان سمیت دنیا بھر میں بسنے والی ہندو برادری آج مذہبی جوش و خروش سے دیوالی کا تہوار منارہی ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
