نگراں وزیراعظم انوار الحق کاکڑ نے کہا ہے کہ نگران حکومت آئندہ عام انتخابات میں مکمل طور پر غیر جانبدار رہے گی۔
تفصیلات کے مطابق نگراں وزیراعظم انوار الحق کاکڑ نے اپنے ایک انٹرویو میں کہا کہ ملک کی معیشت اب کافی مستحکم ہو چکی ہے، پاکستان نے عالمی مالیاتی فنڈ (آئی ایم ایف) کے ساتھ سٹاف کی سطح کا معاہدہ بھی کیا ہے۔
انہوں نے کہا کہ حکومتی اقدامات کی وجہ سے ڈالر کی مصنوعی طلب میں نمایاں کمی ہوئی ہے اور اب روپے کی قدر ڈالر کے مقابلے میں اصل طلب اور رسد کے معیار کے مطابق ہے۔
نگراں وزیراعظم نے یہ بھی کہا کہ سیاسی جماعتیں عام طور پر اپنے ووٹروں کو مختلف طریقوں سے اپنی طرف متوجہ کرنے کی کوشش کرتی ہیں اور ایسے الزامات ان جماعتوں کا سیاسی بیانیہ ہو سکتا ہے، ہم نے اپنی معاشی صورتحال بہتر بنانے کا ہدف حاصل کر لیا ہے جو نگراں حکومت کے لیے بہت بڑا چیلنج تھا۔
ان کا کہنا تھا کہ یہ عدالتی نتائج پر منحصر ہے، اگر عدالتوں نے انہیں الیکشن لڑنے سے روک دیا تو نگراں حکومت عدالتی احکامات پر عمل کرنے کی پابند ہوگی، نگران حکومت آئندہ عام انتخابات میں مکمل طور پر غیر جانبدار رہے گی۔
انوار الحق کا یہ بھی کہنا تھا کہ ریاست کسی بھی صورت میں کسی بھی گروپ کو ملک میں تشدد کی اجازت نہیں دے گی، اسلامی تعاون تنظیم (او آئی سی) کے حالیہ ہنگامی اجلاس میں فلسطین میں جنگ بندی کو یقینی بنانے کے لیے اجتماعی حکمت کے ساتھ ایک مضبوط اور متفقہ پیغام دیا ہے جس پر جلد عمل درآمد ہوگا۔
انہوں نے کہا کہ اسرائیل کے حالیہ مظالم اب ایک انسانی مسئلہ بن چکے ہیں کیونکہ اسرائیل جنگی جرم اور انسانیت کے خلاف جرائم کا ارتکاب کر رہا ہے۔ یورپ اور باقی دنیا میں لاکھوں لوگ بلا تفریق کسی بھی مذہب کے غزہ اور مغربی کنارے میں اسرائیل کے مظالم کے خلاف احتجاج کے لیے نکل رہے ہیں۔
نگراں وزیراعظم انوار الحق کاکڑ نے مزید کہا کہ افغانستان یا افغان باشندے ہمارے دشمن نہیں ہیں کیونکہ ہمارے درمیان صدیوں پرانے اچھے تعلقات ہیں تاہم انہوں نے یہ بھی واضح کیا کہ دونوں ممالک دو مختلف ریاستیں ہیں اس لیے حکومت کچھ اصول و ضوابط پر عمل کرنے کی پابند ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
