سعودی عرب سے پاکستانیوں کیلئے بڑی خوشخبری آگئی ہے۔

تفصیلات کے مطابق وزیر اعظم کے معاون خصوصی برائے سمندر پار پاکستانیز اور ترقی انسانی وسائل جواد سہراب ملک نے نیسما اینڈ پارٹنرز کے صدر اور سی ای او سمر عصام عبدالصمد سے ریاض میں پاکستانی سفارتخانہ میں ملاقات کی۔

 وزیراعظم کے معاون خصوصی جواد سہراب ملک نے پاکستان سے سعودی عرب کو افرادی قوت برآمد کرنے کے لیے معاہدے پر دستخط کیے۔

یہ معاہدہ پاکستانی کارکنوں کو اپنی مہارت کا مظاہرہ کرنے اور بنیادی ڈھانچے کے ان اہم منصوبوں کی کامیابی میں اپنا حصہ ڈالنے کا موقع فراہم کرے گا۔

ملاقات کے دوران جواد سہراب ملک نے پاکستانی افرادی قوت کی خدمات حاصل کرنے کے لیے سمر عصام عبدالصمد اور نیسما اینڈ پارٹنرز کے لیے ان کے غیر متزلزل عزم پر دلی تعریف کی اور شکریہ بھی ادا کیا۔

انہوں نے پاکستانی کارکنوں کی اپنی لگن کے لیے غیر معمولی ساکھ کو بھی اجاگر کیا۔

اس ملاقات میں سعودی عرب میں پاکستان کے سفیر احمد فاروق، بیورو آف امیگریشن اینڈ اوورسیز ایمپلائمنٹ کے ڈائریکٹر جنرل، وزارت سمندر پار پاکستانیز اور ترقی انسانی وسائل کے جوائنٹ سیکرٹری اور کمیونٹی ویلفیئر اتاشی نے بھی شرکت کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں