سابق صوباٸی وزیر اطلاعات شرجیل انعام میمن نے کہا ہے کہ الیکشن سے بھاگنے والے چاہتے ہیں کہ انہیں فوری اقتدار پر بٹھا دیا جائے۔
تفصیلات کے مطابق سابق صوباٸی وزیر اطلاعات شرجیل انعام میمن نے میڈیا سے گفتگو کرتے ہوئے کہا کہ 8 فروری الیکشن کا دن ہے ہم انتظار کر رہے ہیں، ہم چاہتے ہیں الیکشن وقت پر ہوں، الیکشن سے چند سیاسی جماعتیں بھاگنے کی کوشش میں ہیں، پیپلز پارٹی کا مقصد صرف الیکشن ہے، بلدیاتی انتخابات سے بھی بھاگنے کی کوشش کی گٸی، الیکشن سے بھاگنے والے چاہتے ہیں اقتدار پر بٹھا دیا جاٸے، پیپلز پارٹی نفرت کی سیاست کو ختم کرنا چاہتی ہے، چیٸرمین بلاول بھٹو نے کے پی کے بلوچستان کے کامیاب دورے کٸے ہیں، پیپلز پارٹی واحد جماعت ہے جو عوام میں ہے۔
شرجیل میمن نے کہا کہ پی ڈی ایم کو ساٸیڈ کیا گیا مگر اس کو بنانے والی پیپلز پارٹی ہے، عمران خان کو ہٹانے کی حکمت عملی بھی پیپلز پارٹی نے بناٸی تھی، پی ڈی ایم میں لڑاٸی باقی جماعتوں کے استعفیٰ دینے کے معاملے پر ہوٸی تھی، اگر اس وقت وہ جماعت ایسا کرتی تو عمران خان پانچ سال اقتدار پر رہتا، پیپلز پارٹی کی سیاسی حکمت عملی سے عمران خان کے خلاف نو کانفیڈنس کامیاب ہوٸی ہے، وفاقی کابینہ میں آدھی کابینہ بیٹھی ہے اس کا کوٸی جواز ہے؟
ان کا کہنا تھا کہ سندھ میں افسران پر اعتراض ہے تو ہٹا دیں ہم عوام میں ہیں، بے نظیر بھٹو شہید نے دھماکوں حملوں کے باوجود ملک نہیں چھوڑا تھا، چیٸرمین بلاول بھٹو نے کہا کہ ہماری کسی سے لڑاٸی نہیں ہے، ہماری لڑاٸی غربت بے روزگاری اور ملکی مساٸل سے ہے، کہتے ہیں پیپلز پارٹی نے الیکشن کمیشن کو خرید لیا ہے، یہ بھی عمران خان کی طرح الزامات کی سیاست کر رہے ہیں، اس عمل سے سیاسی جماعتیں ماحول کو خراب کر رہی ہیں۔
