ملک بھر میں 8 فروری کو ہونے والے عام انتخابات سے قبل پاکستان تحریک انصاف (پی ٹی آئی) کو ایک اور بڑا دھچکا لگ گیا ہے۔
الیکشن کمیشن آف پاکستان نے پاکستان تحریک انصاف (پی ٹی آئی) کے مرکزی رہنما شاہ محمود قریشی کو 5 سال کیلئے نااہل قرار دیدیا ہے۔
الیکشن کمیشن نے اس حوالے سے نوٹیفکیشن بھی جاری کردیا جس کے مطابق آفیشل سیکرٹ ایکٹ کے تحت قائم خصوصی عدالت نے شاہ محمود قریشی کو جرم کا مرتکب قرار دیا تھا اور الیکشن کمیشن نے انہیں آرٹیکل 63 ون ایچ اور الیکشن ایکٹ سیکشن 232 کے تحت نااہل قرار دیا ہے۔
نوٹیفکیشن میں کہا گیا کہ شاہ محمود قریشی عام انتخابات 2024 کیلئے بھی نااہل ہیں وہ الیکشن میں حصہ نہیں لے سکتے۔
