امیر جماعت اسلامی حافظ نعیم الرحمان نے دعویٰ کیا ہے کہ ایم کیوایم ایک نشست بھی جیتنےکی پوزیشن میں نہیں ہے۔
امیر جماعت اسلامی کراچی حافظ نعیم الرحمان نے بول نیوزسے خصوصی گفتگوکرتے ہوئے بتایا ہے کہ ایم کیوایم کےرہنمادعویٰ کررہے ہیں کہ وہ جیت چکے ہیں لیکن ایم کیوایم ایک نشست بھی جیتنے کی پوزیشن میں نہیں ہے۔
ایم کیو ایم کراچی سے ایک سیٹ بھی جیتنے کی پوزیشن میں نہیں ہے، حافظ نعیم الرحمان#BOLNews #ElectionResults@NaeemRehmanEngr pic.twitter.com/2GPjvsroCq
— BOL Network (@BOLNETWORK) February 9, 2024
انہوں نے کہا ہے کہ اردو بولنے والوں نے ایم کیوایم کو مسترد کردیا ہے کیونکہ موصول نتائج کے مطابق ایم کیوایم کے ووٹوں کی تعداد 3 فیصد سے زیادہ نہیں ہے۔
انہوں نے مزید کہا کہ الیکشن کمیشن نے وعدہ کیا تھا کہ 10 بجے نتائج دے دیں گے لیکن رات 2 بجے بھی نتائج کا علان نہیں کیا گیا جبکہ نتائج میں تاخیر سے خدشات بڑھتے ہیں ۔
امیر جماعت اسلامی نے بتایا ہے کہ بہت سےعلاقوں میں پورے دن پولنگ ہوئی ہی نہیں جن کی تعداد 10 سے 12 ہے جبکہ تقریباً 100 پولنگ اسٹیشن ایسے ہیں جہاں دوپہر 3 بجے پولنگ کا آغاز ہوا تھا۔
ان کا کہنا تھا کہ پورا دن جو شہر کے حالات رہے ہیں اس کے مطابق یا تو آزاد امیدوار جیتیں گے یا پھر جماعت اسلامی جیتے گی اس کے علاوہ ایم کیو ایم کہیں بھی نظر نہیں آرہی ہے۔
