اسلام آباد: ملک کی 16 ویں قومی اسمبلی کی تشکیل کے معاملے پر قومی اسمبلی کا اجلاس رواں ماہ کے آخر میں بلایا جائے گا۔

ذرائع پارلیمانی امور کے مطابق قومی اسمبلی اجلاس 28 یا 29 فروری کو ہونے کا امکان ہے۔

ذرائع نے بتایا کہ وزارت پارلیمانی امور قومی اسمبلی کا اجلاس بلانے کی سمری وزیراعظم کو بھیجے گی جسے وہ صدر مملکت کو بھیجیں گے۔

ملک کی 16 ویں قومی اسمبلی کی تشکیل
نئے قائد ایوان وزیر اعظم کا انتخاب 3 یا 4 مارچ کو
متوقع
براہ راست دیکھیں:https://t.co/KT0R8kyqFw#BOLNews #Elections2024 pic.twitter.com/jR3i0zYKdR

— BOL Network (@BOLNETWORK) February 14, 2024

ذرائع پارلیمانی امور کے مطابق اراکین کے حلف کے بعد پہلے اجلاس میں اسپیکر اور ڈپٹی اسپیکر کا انتخاب ہوگا، نئے قائد ایوان وزیراعظم کا انتخاب 3 یا 4 مارچ کو ہونے امکان ہے جبکہ صدر مملکت کا انتخاب 8 مارچ کو متوقع ہے۔

ذرائع نے مزید بتایا کہ نئی قومی اسمبلی کے اجلاس کے حوالے سے قومی اسمبلی سیکرٹریٹ کی تیاریاں مکمل کرلی گئی ہے۔